પ્રજાસત્તાક દિવસની પૂર્વ સંધ્યાએ રાષ્ટ્રપતિ પદકની જાહેરાત કરવામાં આવી. આ અવસર પર પોલીસ, ફાયર, હોમ ગાર્ડ અને નાગરિક સુરક્ષા અને સુધાર સેવાઓના 942 કર્મચારીઓને વીરતા/ સેવા પદકથી સન્માનિત કરવામાં આવશે. ગુજરાતના 11 પોલીસ અધિકારીઓને 76માં પ્રજાસત્તાક દિવસ પર ચંદ્રક એનાયત કરાશે. પોલીસ કર્મીઓને શ્રેષ્ઠ કામગીરી બદલ ચંદ્રક આપી સન્માનિત કરાશે. તેમાં 95 જવાનોને વીરતા પદક, 101ને સ્પેશિયલ સર્વિસ માટે રાષ્ટ્રપતિ પદક, 746ને સરાહનીય સેવા માટે પદક આપવામાં આવશે. જેમાં ગુજરાતના 9 પોલીસ અધિકારી અને જવાનોને રાષ્ટ્રપતિ પદકથી સન્માનીત કરાશે.
પ્રજાસત્તાક દિને ગુજરાતના 11 પોલીસકર્મીઓને એવોર્ડથી સન્માનિત કરનારા નામોની યાદી જાહેર કરવામાં આવી છે. જે અંતર્ગત ગુજરાતને ગૌરવ અપાવનારા રાજકોટના CP બ્રજેશ કુમાર ઝા અને સ્ટેટ કંટ્રોલમાં ASP ડિ.પી.ચૂડાસમાને રાષ્ટ્રપતિ મેડલ એનાયત થશે. આ ઉપરાંત બોર્ડર રેન્જ આઇજી ચિરાગ કોરડીયા, IPS નિલેશ જાજડિયા, અશોક પાંડોર, કોન્સ્ટેબલ દેવદાસ બારડ, સુરેન્દ્રસિંહ યાદવ, હિરેન વરણવા,બાબુ પટેલ અને હેડ કોન્સ્ટેબલ મુકેશ નેગી તેમજ હેમાંગ મોદી સહિતના તમામ 9 પોલીસકર્મીને ચંદ્રકથી સન્માનિત કરાશે. આવતીકાલે 26 જાન્યુઆરીના રોજ 76માં પ્રજાસત્તાક દિવસની ઉજવણી થઈ રહી છે. આ દિવસે શ્રેષ્ઠ કામગીરી કરનારા અને બહાદૂરી દાખવનારા નાગરિક તેમજ પોલીસકર્મી હોય કે પછી જવાન તમામનું ચંદ્રક આપી સન્માન કરવામાં આવે છે. પ્રજાસત્તાક દિવસે ગુજરાતના 9 પોલીસકર્મીઓને ચંદ્રકથી સન્માનિત કરાવનારા નામોની યાદી જાહેર થઈ ગઈ છે. જેમાં CPકક્ષાના 1,ASP હોદ્દો ધરાવનાર 1, IG કક્ષાના 1 અધિકારી, IPS કક્ષાના 2 અધિકારી, 4 કોન્સ્ટેબલ અને 2 હેડ કોન્સ્ટેબલનું સન્માન કરાશે.
