કેન્દ્રીય ગૃહમંત્રી અમિત શાહે સંસદમાં મતદારયાદીના પુનરીક્ષણ સહિત તમામ મુદ્દાઓ પર ચર્ચા કરવાની તૈયારી દર્શાવીને રાહુલ ગાંધીને ચર્ચા માટે ખુલ્લો પડકાર ફેંક્યો છે. કેન્દ્રીય ગૃહમંત્રી અમિત શાહે જણાવ્યું છે કે વર્તમાન સરકારી વહીવટીતંત્ર સંસદ ગૃહમાં દરેક મહત્વપૂર્ણ મુદ્દા પર ખુલ્લા મંચે ચર્ચા કરવા માટે સંપૂર્ણપણે તૈયાર છે. આ ચર્ચામાં મતદારયાદીનું વિશેષ પુનરીક્ષણ (SIR) જેવો વિષય પણ સામેલ છે. તેમણે કોંગ્રેસના નેતા રાહુલ ગાંધીને આ અંગે જાહેરમાં ચર્ચા અને વાદ-વિવાદ કરવા માટે ખુલ્લો પડકાર ફેંક્યો હતો.
ગૃહમંત્રીએ આક્ષેપ કર્યો હતો કે રાહુલ ગાંધીએ અગાઉ માઓવાદીઓની સમાંતર ચાલતી ‘જનતાની સરકાર’ જેવી સંકલ્પનાઓ અને અબંધારણીય શાસન વ્યવસ્થાઓનું સમર્થન કર્યું છે. ગૃહમંત્રી અમિત શાહ બુધવારના રોજ નવા રાયપુર સ્થિત અટલ નગરના કાયાબાંધા ખાતે ‘વિકસિત ભારત સંકલ્પ પાર્ક’ અંતર્ગત ‘પીપલ વન’ ના લોકપણ સમારોહમાં મુખ્ય અતિથિ તરીકે ઉપસ્થિત રહેવા પહોંચ્યા હતા, જ્યાં તેમણે આ મહત્વપૂર્ણ નિવેદનો આપ્યા હતા.
