લંડનઃ આ વર્ષે મિસ વર્લ્ડનો તાજ જમૈકાની ટોની એન. સિંહને મળ્યો, જ્યારે ભારતની સુમન રાવ આ સૌંદર્ય સ્પર્ધામાં ત્રીજા સ્થાન પર રહી.
આ સ્પર્ધામાં 23 વર્ષીય સિંહને વિજેતા જાહેર કરવામાં આવી. ડોક્ટર બનવાની ઈચ્છા ધરાવતી સિંહના પિતા બ્રૈડશો સિંહ ભારતીય કેરેબિયાઈ છે અને તેમની માતા જહરીન બૈલે આફ્રિકી-કેરેબિયાઈ છે.
આ સ્પર્ધામાં ફ્રાંસની ઓપેલી મેજીનો બીજા અને ભારતની રાવ ત્રીજા સ્થાન પર રહી. રાજસ્થાનની રહેવાસી 20 વર્ષીય રાવ સીએની વિદ્યાર્થીની છે. તેમને આ વર્ષે જૂનમાં મિસ ઈન્ડિયા વર્લ્ડ 2019 પસંદ કરવામાં આવી. એક્સેલ લંડનમાં આયોજિત આ કાર્યક્રમની મેજબાની બ્રિટની ટેલીવિઝનના પિયર્સ મોર્ગને કરી.
સિંહે પોતાની જીત બાદ ઈન્સ્ટાગ્રામ પર લખ્યું કે, મારા મનમાં પ્રેમ અને આભાર છે. મારા પર વિશ્વાસ કરવા માટે ધન્યવાદ. તમે મને મારી જાત પર વિશ્વાસ કરવાનું શિખવાડ્યું છે. હું 69 મી વિશ્વ સુંદરીનો ખિતાબ જીતીને પોતાની જાતને સન્માનિત અનુભવી રહી છું અને હું આપ સહુનો આભાર માનું છું.
