નવી દિલ્હીઃ દિલ્હી NCRમાં આવેલી એક એક્ઝક્લુસિવ ગેટેડ કોમ્યુનિટીના ભવ્ય બંગલામાંથી શરૂ થયેલી અને હરિયાણાના ગામમાં આવેલા ત્રણ ઓરડાવાળા નાનકડા મકાન અને ત્યાર પછી હૈદરાબાદના ઉપનગર વિસ્તારમાં આવેલી ભાડાના ઓરડામાં પહોંચેલી એક લૂંટ આખરે દેશમાં 15થી વધુ રાજ્યોમાં ફેલાઈ ગઈ. માત્ર થોડી જ મિનિટોમાં 28 બેંક ખાતાઓ અને ત્યાર બાદ 141 ખાતાઓમાંથી લગભગ છ કરોડ રૂપિયા ચોરી થવામાં માત્ર થોડી મિનિટો જ લાગી હતી.
પ્રથમ પગથિયું: ઝઝ્ઝર (હરિયાણા)
પોલીસ રેકોર્ડ અનુસાર પીડિતાએ ઘરની નજીક આવેલા HDFC બેંકની બે શાખાઓની મુલાકાત લીધી અને ઠગોના કહેવા પ્રમાણે કુલ 5.85 કરોડ રૂપિયા, 99 લાખના હપતામાં, RTGS દ્વારા હરિયાણાના ઝઝ્ઝર જિલ્લાના સુબાણા ગામના પીયૂષ નામની વ્યક્તિના ICICI બેંક એકાઉન્ટમાં ટ્રાન્સફર કર્યા હતા.
પીયૂષના કરંટ એકાઉન્ટના સ્ટેટમેન્ટ અનુસાર બપોરે 2:45 થી 2:47 દરમિયાન પીડિતના ખાતામાંથી 2.88 કરોડ રૂપિયા આવ્યા. 2:52 વાગ્યા બાદ 10 અન્ય બેંકોના કુલ 28 એકાઉન્ટમાંથી રકમ ઉપાડવાની પ્રક્રિયા શરૂ થઈ. માત્ર 1.28 કલાકમાં આખા પૈસા એકાઉન્ટમાંથી ખાલી કરી દેવામાં આવ્યા હતા.
બપોરે 2:50 સુધીમાં પીડિત દ્વારા પીયૂષના ખાતામાં કુલ 2.97 કરોડ રૂપિયા ટ્રાન્સફર થયા. માત્ર 35 સેકંડમાં વધુ રકમ ઉપાડવાની પ્રક્રિયા શરૂ થઈ ગઈ. માત્ર 29 મિનિટમાં આખી રકમ “કેશ” થઈ ગઈ અને 26 વર્ષના નોકરી શોધી રહેલા પીયૂષના એકાઉન્ટમાં ફક્ત રૂ. 2844 બાકી રહ્યા હતા.
2024માં દેશભરમાં રિપોર્ટ થયેલા 1.23 લાખ કેસોમાં કુલ 1935 કરોડ રૂપિયાની ચોરી થઈ હતી, જે 2022ની તુલનામાં ત્રણ ગણો વધારો દર્શાવે છે.
અહીં આપણે એવા એક જ કેસની વાત કરીએ છીએ જેમાં છ કરોડથી વધુની રકમ ચોરી થઈ છે. જોકે પોલીસના જણાવ્યાનુસાર આ છેતરપિંડીના મુખ્ય સૂત્રધારની ધરપકડ કરવામાં આવી છે.
