ભારતીય જનતા પાર્ટીએ ગુરુવારે દિલ્હી વિધાનસભા ચૂંટણી માટે પોતાની ચોથી અને અંતિમ યાદી જાહેર કરી. જેમાં નવ ઉમેદવારોના નામ છે. ભાજપે 68 ઉમેદવારોની જાહેરાત કરી છે. જ્યારે એક બેઠક JDU અને એક LJP ને આપવામાં આવી છે. રવિવારે રાત્રે, તેણે એક ઉમેદવારની ત્રીજી યાદી જાહેર કરી હતી. જેમાં પાર્ટીએ મુસ્તફાબાદ બેઠક પરથી મોહન સિંહ બિષ્ટને ટિકિટ આપી હતી.
भाजपा की केंद्रीय चुनाव समिति ने दिल्ली में होने वाले विधानसभा चुनाव 2025 के लिए अपनी चतुर्थ सूची में निम्नलिखित नामों पर अपनी स्वीकृति प्रदान की है। pic.twitter.com/7x4pQh8oZZ
— BJP Delhi (@BJP4Delhi) January 16, 2025
ભાજપે ગ્રેટર કૈલાશથી શિખા રાયને ટિકિટ આપી છે. શિખા રાય આમ આદમી પાર્ટી (AAP) ના નેતા સૌરભ ભારદ્વાજ સામે ચૂંટણી લડશે. શિખા રાય વ્યવસાયે વકીલ છે અને 2020 માં ગ્રેટર કૈલાશથી વિધાનસભા ચૂંટણી લડી ચૂકી છે. ભારદ્વાજના હાથે તેમને હારનો સામનો કરવો પડ્યો. ભાજપના દિલ્હી એકમમાં સચિવ, મહાસચિવ અને ઉપપ્રમુખના પદો સંભાળવા ઉપરાંત, તેઓ મહિલા મોરચાના પ્રદેશ પ્રમુખ પણ રહી ચૂક્યા છે.
