BSE સ્ટાર્ટઅપ્સ પ્લેટફોર્મ પર છઠ્ઠી કંપની ટ્રેક્રિંગટોઝ.કોમ લિસ્ટ થઈ

મુંબઈ: BSE સ્ટાર્ટઅપ્સ પ્લેટફોર્મ પર વધુ એક કંપની ટ્રેકિંગટોઝ.કોમ લિસ્ટ થઈ છે. BSEના આ પ્લેટફોર્મ પર આ છઠ્ઠી કંપની લિસ્ટ થઈ છે.

ટ્રેકિંગટોઝ.કોમ લિમિટેડએ રૂ.10ની મૂળ કિંમતના 4,33,200 ઈક્વિટી શેર્સ રૂ.105ના ભાવે ઓફર કરી રૂ.454 લાખ એકત્રિત કર્યા હતા. કંપનીનો પબ્લિક ઈશ્યુ 20 ઓગસ્ટ, 2020ના રોજ સફળતાપૂર્વક સંપન્ન થયો હતો.

ટ્રેકિંગટોઝ.કોમ રાજસ્થાન સ્થિત કંપની છે, જેની રજિસ્ટર્ડ ઓફિસ જયપુરમાં છે. વર્ષ 2012માં સ્થપાયેલી આ કંપની ટ્રાવેલ અગ્રેગેટર પ્લેટફોર્મ ધરાવે છે અને ઓનલાઈન કેબ રેન્ટલ સર્વિસીસ ઓફર કરે છે.

BSE સ્ટાર્ટઅપ પ્લેટફોર્મ પરથી કંપનીઓ અત્યાર સુધીમાં રૂ.26.8 કરોડ એકત્ર કરી ચૂકી છે જેનું માર્કટ કેપિટલાઈઝેશન અત્યારે રૂ.75.87 કરોડ છે. BSE અત્યારે સ્ટાર્ટઅપ્સનો સંપૂર્ણ બજાર હિસ્સો ધરાવે છે.