‘સેબી’એ વોલેટિલિટીને ધ્યાનમાં લઈ શોર્ટ સેલ્સ પર અંકૂશ મૂક્યો

મુંબઈઃ સતત તૂટતા અને તોફાની વધઘટવાળા (વોલેટાઈલ) શેરબજારના સંજોગોને ધ્યાનમાં રાખીને નિયમન સંસ્થા ‘સેબી’એ શુક્રવારે એક મહત્ત્વના નિર્ણયમાં શોર્ટ સેલ્સ (ખોટા વેચાણ-અર્થાત શેર હાથ પર ન હોય છતાં વેચાણ કરવું) પર મર્યાદિત અંકૂશ મૂક્યા છે.

આ બાબત ફ્યુચર્સ-ઓપ્શન્સ (ડેરિવેટીવ્ઝ સેગમેન્ટ)માં પણ લાગુ થશે. આને કારણે ઈરાદાપૂર્વક મંદીનો ગેરલાભ લેવા શોર્ટ સેલ્સ કરતા  સટોડિયા વર્ગ પર અંકુશ આવી શકશે.

આ નિયમ ફોરેન ઈન્વેસ્ટરોને પણ લાગુ થશે. આને પરિણામે બજારના ઘટાડાને સ્પીડ બ્રેકર લાગી શકવાની અશા રાખી શકાય. કમસે કમ સોમવારથી આની અસર જોવા મળી શકે.

અહીં એ નોંધવું જરૂરી છે કે અન્ય કેટલાંક દેશોના બજારોમાં નિયમન સંસ્થાઓએ  શોર્ટ સેલ્સ પર અમુક દિવસો પહેલાં જ  અંકૂશ મૂકી  દીધા હતા.

સેબીએ આ સાથે ડેરિવેટિવ્ઝમાં ઓપન ઈન્ટરેસ્ટ (ઊભા ઓળીયા)  પર પણ મર્યાદા મૂકી દીધી છે. આની  અસર આગામી સપ્તાહમાં જોવા મળી શકે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]