મુંબઈ તા. 13 જૂન, 2023: બીએસઈ એસએમઈ (સ્મોલ એન્ડ મિડીયમ એન્ટરપ્રાઈસિસ) પ્લેટફોર્મ પર 438મી કંપની તરીકે કોમરેડ એપ્લાયન્સીસ લિમિટેડ લિસ્ટ થઈ છે. કંપનીએ પાંચમી જૂને સફળતાપૂર્વક પબ્લિક ઈશ્યુ પાર પાડ્યો હતો. કંપનીએ રૂ.10ની મૂળ કિંમતના 16.30 લાખ ઈક્વિટી શેર્સ રૂ.52-54ની પ્રાઈસ બેન્ડમાં ઓફર કર્યા હતા.
(તસવીર સૌજન્યઃ@BSEIndia)
કોમરેડ એપ્લાયન્સીસ લિમિટેડ મુંબઈમાં રજિસ્ટર્ડ થયેલી કંપની છે, જે એર કૂલર્સ અને ઈલેક્ટ્રિક ગીઝર્સનું ઉત્પાદન કરે છે. કંપની વિવિધ કંઝ્યુમર ડ્યુરેબલ્સનું ઉત્પાદન કરે છે અને વિવિધ પ્રોડક્ટ્સના એસેમ્બલિંગનું કામકાજ પણ કરે છે.
