ઈન્ડિયા INXમાં દૈનિક ટર્નઓવર વધીને $10-અબજની સર્વોચ્ચ સપાટીએ

ગાંધીનગરઃ ગિફ્ટ સિટી સ્થિત ઈન્ટરનેશનલ ફાઈનાન્સિયલ સર્વિસીસ સેન્ટર (IFSC) ખાતે આવેલા BSEના ઈન્ડિયા INXમાં તાજેતરમાં ડેરિવેટિવ્ઝ સેગમેન્ટમાં દૈનિક ટર્નઓવર વધીને 10 અબજ યુએસ ડોલર (આશરે રૂ.74,509 કરોડ)ની સપાટીએ પહોંચ્યું હતું.   આ સાથે ગિફ્ટ સિટી IFSCમાં ઈન્ડિયા આઈએનએક્સનો બજાર હિસ્સો 91 ટકા થયો છે.

આ એક્સચેન્જ 16 જાન્યુઆરી, 2017થી શરૂ થયું ત્યારથી દૈનિક ટર્નઓવર નવી નવી ઊંચી સપાટી સર કરતું જાય છે. નવેમ્બર 2020માં સરેરાશ દૈનિક ટર્નઓવર 6.50 અબજ યુએસ ડોલર (આશરે રૂ.48,442 કરોડ)નું થઈ ગયુ્ં છે જે આગલા મહિનાની તુલનાએ 20.23 ટકાની વૃદ્ધિ દર્શાવે છે. અત્યાર સુધીમાં 1.33 ટ્રિલ્યન યુએસ ડોલરનાં કામકાજ અહીં થયાં છે. નવાં પ્રોડક્ટ્સ લોન્ચ કરાવાને પગલે બજાર સહભાગીઓમાં સતત વધારો થઈ રહ્યો છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]