સેલ્ફ ટ્રેડ, ટ્રેડ રિવર્સલ સોદા રોકવા માટે BSEએ નવું ફીચર દાખલ કર્યું

મુંબઈઃ એક્સચેન્જના પ્લેટફોર્મ પર સ્વ-સોદા અને ટ્રેડ રિવર્સલ સોદાના કિસ્સા રોકવા માટેના નિયમન પગલારૂપે BSE સોમવારથી ઈક્વિટી સેગમેન્ટના બીએસઈ એક્સક્લુઝિવ સ્ટોક સબ-સેગમેન્ટમાં રિવર્સલ ટ્રેડ પ્રિવેન્શન ચેક (RTPC) દાખલ કરશે. આ પૂર્વે એક્સચેન્જે તેના ઈક્વિટી ડેરિવેટિવ્ઝ, કરન્સી ડેરિવેટિવ્ઝ અને કોમોડિટી ડેરિવેટિવ્ઝ સેગમેન્ટમાં માર્કેટની અખંડિતતા અને રોકાણકારોની સલામતી જાળવવા માટે RTPC દાખલ કર્યું છે.

RTPC એવું ફીચર છે કે જેમાં PANના આધારે રિવર્સલ ટ્રેડ અને સેલ્ફ ટ્રેડ આપોઆપ રદ થઈ જાય છે.

ટ્રેડ રિવર્સલ એ એવા સોદા છે જે શેરના ભાવના ટ્રેન્ડને બદલવા માટે કરવામાં આવતા હોય છે.

આ ચેક BSEના ટ્રેડિંગ પ્લેટફોર્મ પર એક્સ, એક્સટી, ઝેડ, વાય, ઝેડપી અને ઝેડવાય ગ્રુપના શેરો માટે ઉપલબ્ધ રહેશે.

આ સાથે BSE એકમાત્ર એવું એક્સચેન્જ છે, જે સેલ્ફ પ્રિવેન્શન ચેક (STPC) અને રિવર્સલ ટ્રેડ પ્રિવેન્શન ચેક (RTPC)ની સુવિધા બધા ટ્રેડિંગ સેગમેન્ટમાં ઓફર કરે છે.