લોકપ્રિય મનોરંજન અભિનેત્રી હંસિકા મોટવાણી હાલમાં તેના અંગત જીવનને કારણે સમાચારમાં છે. અભિનેત્રીએ બે વર્ષ પહેલાં ઉદ્યોગપતિ પતિ સોહેલ કથુરિયા સાથે લગ્ન કર્યા હતા. તાજેતરમાં, તેમના સંબંધોમાં કડવાશના અહેવાલો આવ્યા હતા અને છૂટાછેડાની અટકળો પણ ચાલી રહી હતી. ઉપરાંત,બંને અલગ રહેવાની ચર્ચા પણ થઈ હતી. હવે અભિનેત્રીના પતિએ આ બાબતે પોતાનું મૌન તોડ્યું છે અને પ્રતિક્રિયા આપી છે.
હંસિકા મોટવાણીના પતિ સોહેલ કથુરિયાએ છૂટાછેડાની અફવાઓને ફગાવી દીધી છે. તેમણે હિન્દુસ્તાન ટાઇમ્સને કહ્યું કે,”તે સાચું નથી.” પરંતુ અભિનેત્રીના પતિએ તેમના અલગ અલગ રહેવા પર કોઈ જવાબ આપ્યો નહીં, જેના કારણે ઘણા પ્રશ્નો અનુત્તરિત રહ્યા.
મીડિયા રિપોર્ટ્સ અનુસાર એવું કહેવામાં આવ્યું હતું કે અભિનેત્રી હંસિકા મોટવાણીએ તેની માતા સાથે રહેવાનું શરૂ કર્યું છે, જ્યારે તેનો પતિ હાલમાં તેના માતાપિતા સાથે રહે છે. આ સાથે, અહેવાલોમાં કહેવામાં આવ્યું હતું કે જ્યારે બંનેએ ડિસેમ્બર 2022 માં લગ્ન કર્યા, ત્યારે તેઓ શરૂઆતમાં સાથે રહેતા હતા. જોકે, બાદમાં બંને વચ્ચે સુમેળ ન હોવાથી બંને એક જ બિલ્ડિંગના અલગ અલગ એપાર્ટમેન્ટમાં રહેવા લાગ્યા. આ પછી પણ બંને વચ્ચેનો નારાજગી દૂર થઈ શકી નહીં.આ કપલે 4 ડિસેમ્બર, 2022 ના રોજ જયપુરમાં લગ્ન કર્યા હતા.
હંસિકા મોટવાણીએ બાળ કલાકાર તરીકે પોતાની અભિનય કારકિર્દીની શરૂઆત કરી હતી. તે શોનું નામ ‘શાકા લાકા બૂમ બૂમ’ હતું. આ ઉપરાંત, તેણીએ ‘સિંઘમ 2’ (તમિલ), ‘બોગન’, ‘આંબલા’ જેવી દક્ષિણની ફિલ્મોમાં પણ કામ કર્યું છે.
