અભિનેત્રી આલિયા ભટ્ટે ખુલાસો કર્યો છે કે તે ADHD (એટેન્શન-ડેફિસિટ/હાયપરએક્ટિવિટી ડિસઓર્ડર) સાથે સંઘર્ષ કરી રહી છે. આ રોગના કારણે તેમને વર્તમાનમાં જીવવામાં મુશ્કેલી પડે છે. ફિલ્મ ‘જીગ્રા’માં પોતાના અભિનયના વખાણ મેળવી રહેલી આલિયાએ એક ઈન્ટરવ્યુમાં જણાવ્યું હતું કે નાનપણથી જ વાતચીત દરમિયાન તેનું ધ્યાન ભટકી જતું હતું, પરંતુ તેને ખબર નહોતી કે તેને ADHD છે.
આલિયાએ કહ્યું,’હું બાળપણથી જ ઝોન આઉટ હતી. હું વર્ગમાં કે વાતચીત દરમિયાન વિચલિત થઈ જતી હતી. તાજેતરમાં, મેં એક મનોવૈજ્ઞાનિક પરીક્ષણ કર્યું અને મને જાણવા મળ્યું કે હું ADHD સ્પેક્ટ્રમ પર હાઈ છું. જ્યારે પણ મેં મારા મિત્રોને તેના વિશે કહ્યું, ત્યારે તેઓ કહેતા કે’અમે હંમેશા જાણતા હતા.’
આલિયા ભટ્ટે કહ્યું કે તેના જીવનમાં બહુ ઓછી ક્ષણો આવે છે જ્યારે તે સંપૂર્ણપણે હાજર હોવાનો અનુભવ કરે છે. તેમાંથી એક તે છે જ્યારે તે તેની પુત્રી રાહા સાથે હોય છે. તેણે કહ્યું,’મને સમજાયું કે હું કેમ કેમેરા સામે શાંત રહું છું. હું તે ક્ષણમાં સૌથી વધુ વર્તમાનમાં રહી શકું છું. જ્યારે પણ હું કેમેરાની સામે હોઉં છું ત્યારે તે પાત્રના રૂપમાં હું વર્તમાનમાં હોઉં છું જેને હું નિભાવતી હોઉં છું. આ સિવાય જ્યારે હું રાહા સાથે હોઉં છું ત્યારે સૌથી વધુ હાજર હોઉં છું. મારા જીવનની આ બે ક્ષણો છે જ્યારે હું સૌથી વધુ શાંત રહું છું.
સીડીસી (સંદર્ભ) મુજબ, એડીએચડી એ બાળપણમાં સૌથી સામાન્ય ન્યુરોડેવલપમેન્ટલ ડિસઓર્ડર છે. ન્યુરોડેવલપમેન્ટલ એ મગજની વૃદ્ધિ અને વિકાસની રીતમાં કંઈક ખોટું થવાનો ઉલ્લેખ કરે છે. ADHD સામાન્ય રીતે બાળપણમાં નિદાન થાય છે અને મોટાભાગે પુખ્તાવસ્થામાં રહે છે. ADHD ધરાવતા બાળકોને ધ્યાન આપવામાં મુશ્કેલી પડી શકે છે. તેમના વર્તનને નિયંત્રિત કરવામાં મુશ્કેલી આવી શકે છે. તેઓ કંઈપણ વિચાર્યા વિના કરી શકે છે અથવા અત્યંત સક્રિય હોઈ શકે છે.
