મુંબઈ: શુક્રવારે એટલે કે આજે સલમાન ખાનના 59માં જન્મદિવસના અવસર પર તેની આગામી એક્શન ફિલ્મ ‘સિકંદર’ના મેકર્સ એઆર મુરુગાદોસની ફિલ્મનું ટીઝર રિલીઝ કરવાના હતા. પરંતુ પૂર્વ વડાપ્રધાન મનમોહન સિંહના નિધનને કારણે તેઓએ જાહેરાત કરી હતી કે હવે ટીઝર લોન્ચિંગની તારીખ બદલવામાં આવી છે. તેણે ‘સિકંદર’ના ટીઝર રિલીઝની નવી તારીખની પણ જાહેરાત કરી છે. એક્શનથી ભરપૂર ફિલ્મમાં સલમાન ખાન અલગ અંદાજમાં જોવા મળશે.
સિકંદરનું ટીઝર રિલીઝ મોકૂફ
નડિયાદવાલા ગ્રાન્ડસન એન્ટરટેનમેન્ટ, સાજિદ નડિયાદવાલા પ્રોડક્શન હાઉસ અને ‘સિકંદર’ની ટીમે શુક્રવારે સવારે ટીઝર લોન્ચના કલાકો પહેલાં તેના સત્તાવાર X હેન્ડલ પર એક પોસ્ટ શેર કરી હતી.જેમાં કહ્યું કે, ‘આપણા આદરણીય ભૂતપૂર્વ વડા પ્રધાન મનમોહન સિંહ જીના નિધનથી દરેકને દુઃખ થયું છે, અમને એ જાહેરાત કરતાં ખેદ થાય છે કે સિકંદરનું ટીઝર રિલીઝ 28મી ડિસેમ્બર સુધી મોકૂફ રાખવામાં આવ્યું છે. શોકની આ ઘડીમાં અમારી સંવેદનાઓ રાષ્ટ્રની સાથે છે. સમજવા બદલ આભાર. #ટીમ સિકંદર.’
View this post on Instagram
સિકંદરમાં સલમાન ખાન એક્શન કરતો જોવા મળશે
સલમાન ખાનના જન્મદિવસના એક દિવસ પહેલા તેની આગામી ફિલ્મ ‘સિકંદર’ના નિર્માતાઓએ તેનો લુક શેર કરીને ચાહકોને ખુશ કર્યા હતા. પોસ્ટરમાં સલમાન ભાલો લઈને ફરતો જોવા મળી રહ્યો છે. આ દમદાર લુકમાં તેના એક્શન અવતારની ઝલક જોઈ શકાય છે. જો કે તેનો ચહેરો છુપાયેલો છે. ઇન્સ્ટાગ્રામ પર પોસ્ટર શેર કરતાં સલમાને જાહેરાત કરી હતી કે ફિલ્મનું ટીઝર તેના જન્મદિવસ 27 ડિસેમ્બરે શેર કરવામાં આવશે.
સલમાન ખાન કિક 2
‘સિકંદર’માં સલમાન ખાન સાથે રશ્મિકા મંદાન્ના પણ છે. તે 2025ની ઈદ પર સિનેમાઘરોમાં રિલીઝ થશે. આ દિવસોમાં સલમાન ‘બિગ બોસ 18’ હોસ્ટ કરી રહ્યો છે. તે સાજિદ નડિયાદવાલાની ‘કિક 2’માં પણ જોવા મળશે.
