કેન્દ્ર સરકારના નિર્ણય બાદ હવે મહારાષ્ટ્ર સરકારે પણ રાજ્યના કર્મચારીઓ માટે યુનિફાઇડ પેન્શન સ્કીમ (UPS)ને મંજૂરી આપી દીધી છે. શિંદે કેબિનેટે રવિવારે યોજાયેલી બેઠકમાં યુપીએસને લીલી ઝંડી આપી દીધી છે. રાજ્યની એકનાથ શિંદે સરકારે આ વર્ષથી જ એટલે કે માર્ચ 2024થી UPS લાગુ કરવાનો નિર્ણય લીધો છે. સરકારના આ નિર્ણયથી લાખો કર્મચારીઓને ફાયદો થશે. આ સાથે મહારાષ્ટ્ર સરકાર પણ UPS લાગુ કરનાર પ્રથમ રાજ્ય બની ગયું છે.
મહારાષ્ટ્રમાં યોજાયેલી કેબિનેટની બેઠકમાં યુપીએસને લઈને 19 મોટા નિર્ણયો લેવામાં આવ્યા હતા. તેમાં નાર-પાર-ગીરણા નદીને જોડવાના પ્રોજેક્ટ માટે રૂ. 7,15 કરોડની મંજૂરી, ખેડૂતો માટે દિવસ દરમિયાન અવિરત વીજળી યોજના, સહકારી ખાંડ મિલોને સરકારી ગેરંટી હેઠળ લોનની ચુકવણીનો પણ સમાવેશ થાય છે. સરકારે રાજ્યના વરિષ્ઠ નાગરિકો માટે કોર્પોરેશનની સ્થાપના કરવાનું પણ નક્કી કર્યું છે. આ નિર્ણયથી રાજ્યના લગભગ 50 લાખ વરિષ્ઠ નાગરિકોને ફાયદો થશે.
