અમદાવાદમાં હલા ઈન્ટરનેશનલ ફ્લાનવર શો ચાલી રહ્યો છે. અહિં ફ્લાવરના અવનાવ પ્રદર્શન મુકવામાં આવ્યા છે. આ ફ્લાવરશો માત્ર ગુજરાત નહીં પરંતુ આખા દેશમાં પ્રસિદ્ધ છે. ત્યારે આ ફ્લાવરશોને વધુ એક યશ કલગી મળી છે. અમદાવાદના ઈન્ટરનેશનલ ફલાવરશોને વર્લ્ડ લાર્જેસ્ટ ફલાવર બુકે માટે ગિનિસ બુક ઓફ વર્લ્ડ રેકોર્ડમાં સ્થાન પ્રાપ્ત થયુ છે. 10.24 મીટર હાઈટ તથા 10.84 મીટર ત્રીજયાવાળા ફલાવર બુકેને વિશ્વના સૌથી મોટા ફલાવર બુકે તરીકે સ્થાન મળ્યુ છે. અગાઉ આ પહેલા આ રેકોર્ડયુનાઈટેડ આરબ એમિરેટસની અલ-એઈન મ્યુનિસિપાલિટીના નામ ઉપર હતો.
અમદાવાદના સાબરમતી રિવરફ્રન્ટ ખાતે આયોજીત કરવામાં આવેલા ફલાવર-શોને સતત બીજા વર્ષે વૈશ્વિક બહુમાન પ્રાપ્ત થયુ છે.ગત વર્ષે આયોજીત કરવામાં આવેલા ફલાવરશોમાં સૌથી લાંબી ફલાવર વોલ માટે ગિનિસ બુક ઓફ વર્લ્ડ રેકોર્ડમાં સ્થાન મળ્યુ હતુ.સતત બીજા વર્ષે ફલાવરશોમાં વિશ્વના સૌથી મોટા ફલાવર બુકને લઈ સિદ્ધિ મળી છે.યુ.એ.ઈ.ની અલ-એઈન મ્યુનિસિપાલિટીને અગાઉ આ એવોર્ડ 7.7 મીટરના ફલાવર સ્ટ્રકચર માટે 18 ફેબુ્રઆરી 2024ના રોજ આપવામા આવ્યો હતો. ગિનિસ બુકની ટીમ દ્વારા આપવામા આવેલા એવોર્ડને ડેપ્યુટી મેયર જતીન પટેલ, સ્ટેન્ડિંગ કમિટી ચેરમેન દેવાંગ દાણી, મ્યુનિ.કમિશનર એમ.થેન્નારસન સહીતના મ્યુનિ.પદાધિકારીઓ દ્વારા સ્વીકારવામાં આવ્યો હતો.
