આમકે આમ, ગુટલીકે દામ |
સામાન્ય રીતે આપણે કેરી ખાઈએ ત્યારે છોતરાં અને ગોટલા ફેંકી દેતા હોઈએ છીએ. આમ ગોટલાની કોઈ કિંમત ઉપજતી નથી. પણ એક બાજુ કેરીનો સ્વાદ પણ લઈએ અને બીજી બાજુ અત્યાર સુધી ફેંકી દેવાતો ગોટલો પણ વપરાશમાં આવે અને એની કિંમત પણ ઉપજે ત્યારે વધારાનો નફો થયો એમ કહેવાય.
કોઈ પણ પરિસ્થિતીમાં ધાર્યા કરતાં વધુ સારું વળતર મળે તેવી સ્થિતિનું નિર્માણ થાય ત્યારે આ કહેવત વાપરી શકાય.
(ડો. જયનારાયણ વ્યાસ ગુજરાતના જાહેરજીવનનું એક ટોચનું નામ છે. ગુજરાત સરકારમાં કેબિનેટ મંત્રી તરીકે અનેક મહત્વની જવાબદારી સંભાળી ચૂકેલા જયનારાયણભાઇ નિષ્ણાત અર્થશાસ્ત્રી, ટેકનોક્રેટ અને કુશળ વક્તા હોવાની સાથે લોકપ્રિય લેખક પણ છે. ટેલિવિઝન એન્કર તરીકે પણ અર્થપૂર્ણ ચર્ચા યોજે છે. અહીં એ બાળપણમાં મા ના મુખેથી સાંભળેલી જાણીતી કહેવતોનો આસ્વાદ કરાવે છે.)
