GPSCની પરીક્ષાની તૈયારી કરી રહેલા વિદ્યાર્થીઓ માટે મોટા સમાચાર સામે આવ્યા છે. જેમા કુલ 11 ભરતીની પરીક્ષાની તારીખો જાહેર કરવામાં આવી છે. આ 11 પરીક્ષાઓ કુલ 2800 જગ્યા માટે લેવાશે. સમગ્ર મામલે જીપીએસસીના અધ્યક્ષ હસમુખ પટેલ દ્વારા આ ભરતી અંગેની જાહેરાત કરવામાં આવી છે. જેમા વર્ગ 1 અને વર્ગ 2ની પરીક્ષા ક્લબ કરવામાં આવી છે. જ્યારે વર્ગ 3ની પરીક્ષા અલગ રીતે યોજાશે. સમગ્ર મામલે પ્રક્રિયા ઝડપી થાય તે માટે આ પ્રયાસ હાથ ધરવામાં આવ્યા છે.
પ્રાપ્ત માહિતી પ્રમાણે GPSCની મહત્વની ગણાતી પરીક્ષાઓની તારીખ જાહેર કરવામાં આવી છે. જેમાં દરેકની સામાન્ય અભ્યાસની પરીક્ષા 23 ફેબ્રુઆરીએ યોજાશે. આ સિવાય સંબંધિત વિષયોની પરીક્ષા ફેબ્રુઆરીથી એપ્રિલ સુધીમાં લેવાશે. 23 ફેબ્રુઆરીએ એક જ દિવસમાં સામાન્ય અભ્યાસની પ્રાથમિક કસોટી લેવામાં આવશે. ત્યારબાદ 6 ફેબ્રુઆરીથી લઈ 20 એપ્રિલ સુધી અલગ-અલગ તારીખે સંબંધિત વિષયોની પરીક્ષાનું આયોજન કરવામાં આવ્યું છે.
અત્રે ઉલ્લેખનીય છે કે GPSC દ્વારા 9 પરીક્ષાઓની તારીખ જાહેર કરવામાં આવી છે. જેમાં અધિક સીટી ઇજનેર (સિવિલ), વર્ગ-1 GMC, મદદનીશ ઇજનેર (યાંત્રિક), વર્ગ-2 GMC, મદદનીશ ઇજનેર(યાંત્રિક), વર્ગ-2 (ન.જ.સં.પા.પુ.ક વિભાગ), નાયબ કાર્યપાલક ઇજનેર (યાંત્રિક), વર્ગ-2 (ન.જ.સં.પા.પુ.ક વિભાગ), સાયન્ટિફિક ઑફિસર (ભૌતિક શાસ્ત્ર), વર્ગ-2, મદદનીશ નિયંત્રક કાનૂની માપવિજ્ઞાન અને ગ્રાહક સુરક્ષા અધિકારી, વર્ગ-2, નાયબ કાર્યપાલક ઇજનેર (સિવિલ), વર્ગ-2 GMC, અધિક મદદનીશ ઇજનેર ( સિવિલ), વર્ગ-3 GMC, અધિક મદદનીશ ઇજનેર ( વિદ્યુત), વર્ગ-3 GMCની પરીક્ષા યોજાવાની છે.
