શાંતિ બિઝનેસ સ્કૂલમાં ‘મેનેજમેન્ટ ડેવલપમેન્ટ પ્રોગ્રામ’ યોજાયો

અમદાવાદઃ અમદાવાદસ્થિત શાંતિ બિઝનેસ સ્કૂલમાં હાલમાં જ બે દિવસીય “મેનેજમેન્ટ ડેવલપમેન્ટ પ્રોગ્રામ ઓન ડેટા સાયન્સ” (MDP) યોજવામાં આવ્યો હતો. ‘MDP’નો ટોપિક “બિઝનેસ એનાલિટિક્સ ટુ એક્સલરેટ બિઝનેસ ડિસિઝન્સ” રાખવામાં આવ્યો હતો. આ પ્રોગ્રામનું ઉદઘાટન કરતાં સંસ્થાનાં ડિરેક્ટર ડો.નેહા શર્માએ પાર્ટિસિપેન્ટસને સંબોધન કર્યું હતું.

આ એક હાઈબ્રીડ પ્રોગ્રામ હતો, જેમાં પાર્ટિસિપેન્ટસને પોતાની પસંદગી પ્રમાણે કેમ્પસ ક્લાસરૂમ કે ઓનલાઇન ભાગ લેવાની છૂટ આપવામાં આવી હતી, શાંતિ બિઝનેસ સ્કૂલના ડેટા એનાલિટિક્સના એરિયા ચેર પ્રોફેસર અમિત સારસ્વતે આ પ્રોગ્રામ કન્ડક્ટ કર્યો હતો. આ પ્રોગ્રામનો કોન્સેપ્ટ અને કેસનો બ્લેન્ડ હતો.

આ પ્રોગ્રામના પ્રથમ દિવસે બિઝનેસ એનાલિટિક્સ, ડેટા સાયન્સ, બિઝનેસ ઇન્ટેલિજન્સ, મશીન લર્નિંગ અને આર્ટિફિશિયલ ઇન્ટેલિજન્સ, એલ્ગોરિધમ્સ, એરર્સ અને કેસ સ્ટડી જેવા કોન્સેપ્ટ આવરી લેવામાં આવ્યા હતા, જ્યારે બીજા દિવસે લર્નિંગ, એપ્લિકેશન ઓફ માર્કેટિંગ એનાલિટિક્સ, કસ્ટમર એનાલિટિક્સ, ડીપ લર્નિંગ, એપ્લિકેશન ઓફ ટેન્સર ફ્લો, ડેટા સાયન્સ ઓન એચ.આર એપ્લિકેશન વગેરે કોન્સેપ્ટ આવરી લેવામાં આવ્યા હતા તેમ જ પાર્ટિસિપેન્ટસ સાથે બિઝનેસ પ્રોબ્લેમ અને અન્ય મુદ્દાઓ પર ચર્ચા કરવામાં આવી હતી.

આ પ્રોગ્રામમાં ગુજરાત અને ભારતનાં વિવિધ શહેરોમાંથી વર્કિંગ પ્રોફેશનલ્સે ભાગ લીધો હતો. આ સમગ્ર પ્રોગ્રામ દરમિયાન કોવિડ-19 પ્રોટોકોલ અને સરકારી નિયમોનું ચુસ્તપણે પાલન કરવામાં આવ્યું હતું.

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]