નવી દિલ્હીઃ કોરોના વાઇરસ રોગચાળા દરમ્યાન ડિજિટલ લેવડદેવડ તો વધી, પણ એની સાથે બેન્ક એકાઉન્ટમાં છેતરપિંડીની ઘટનાઓ પણ વધી ગઈ છે. હેકર્સ તમારા એકાઉન્ટની ડિટેલ્સ હાંસલ કરીને તમારા ખાતાથી પૈસા કાઢી લે છે. ઓનલાઇન ફ્રોડ, ડિજિટલ ફ્રોડ અથવા સાઇબર ફ્રોડના મામલામાં મોટા ભાગના લોકો એ વિચારી કશું નથી કરતા કે તેમના પૈસા ડૂબી ગયા. હવે તમારે આવા મામલાઓમાં ચૂપ રહેવાની જરૂર નથી, કેમ કે તમને તમારા પૂરા પૈસા પરત મળી શકે છે. આના માટે રિઝર્વ બેન્ક ઓફ ઇન્ડિયા (RBI) દ્વારા જણાવવામાં આવેલી પ્રક્રિયાનું પાલન કરવાનું રહેશે.
RBIના જણાવ્યાનુસાર જો તમારા ખાતામાં કોઈ પણ ગેરકાયદે વ્યવહાર થયો છે તો તમને તમારા પૈસા પરત મળી શકે છે, પણ એના માટે તમારે સર્તકતા દાખવવી પડશે. આવા ગેરકાયદે વ્યવહારની માહિતીની જાણ તમારે તરત તમારી બેન્કને કરવી પડશે.
RBI કહે છે જો ગેરકાયદે રીતે ઇલેક્ટ્રોનિક લેવડદેવડથી તમને નુકસાન થયું છે તો તમારી જવાબદારી મર્યાદિત હોવાની શક્યતા છે. બલકે, ઝીરો પણ હોઈ શકે છે, જો તમે બેન્કને તરત સૂચિત કરો છો તો. આવું કરવાથી તમને તમારા પૈસા પરત મળી શકે છે.
.@RBI कहता है ..
यदि अनाधिकृत इलेक्ट्रॉनिक लेनदेन से आपका नुक़सान हुआ हो, तो आपकी देयता सीमित हो सकती है, बल्कि शून्य भी हो सकती है, अगर आप अपने बैंक को तुरन्त सूचित करते हैं।
#rbikehtahai #StaySafe#BeAware #BeSecure https://t.co/6UrbB81jm9 pic.twitter.com/wnkVNfzA32— RBI Says (@RBIsays) September 24, 2020
ત્રણ દિવસની અંદર ફરિયાદ કરો
જો તમારા બેન્ક ખાતામાંથી કોઈ રકમ ગેરકાયદે રીતે રકમ કાઢવામાં આવી છે તો તમારે ત્રણ દિવસની અંદર એની ફરિયાદ તમારી બેન્કમાં કરવી જોઈએ. આ સ્થિતિમાં તમને તમારી રકમ 10 દિવસની મળી શકે છે. RBI અનુસાર જો તમે બેન્ક છેતપિંડીનો રિપોર્ટ 4-7 દિવસ પછી કર્યો હશે તો ગ્રાહકને રૂ. 25,000 સુધીનું નુકસાન ભોગવવું પડશે.
ઇન્સ્યોરન્સને લીધે પરત મળશે પૈસા
બેન્ક કાઇબર ફ્રોડના મામલે ઇન્સ્યોરન્સ પોલિસી લે છે. બેન્ક તમારી સાથે થયેલી છેતરપિંડીની માહિતી ઇન્સ્યોરન્સ કંપની આપશે અને ત્યાંથી ઇન્સ્યોરન્સના પૈસા લઈને તમારા નુકસાનના બદલામાં એ તમને ભરપાઈ કરશે. ઇન્સ્યોરન્સ કંપનીઓ સાઇબર છેતરપિંડીને મામલે ખાતાધારકોને સીધું કવર કરે છે.
સાઇબર છેતરપિંડી માટે વીમો ઉતરાવી શકાય
હાલના દિવસોમાં સાઇબર છેતરપિંડીના કેસોને વધતા જોઈ એનાથી બચવા માટે તમે તમારા બેન્ક એકાઉન્ટ માટે વીમો ઉતરાવી શકો છએ. કેટલીક ઇન્શ્યોરન્સ કંપનીઓ સાઇબર ફ્રોડ માટે ઇન્સ્યોરન્સ પૂરો પાડે છે. આનાથી છેતરપિંડીની સ્થિતિમાં તમારા પૈસા પરત મળવાની શક્યતાઓ વધી જાય છે.
