શ્રદ્ધા કપૂરે અનાથ બાળકો, વરિષ્ઠ નાગરિકો સાથે મળીને જન્મદિવસ ઉજવ્યો…
બોલીવૂડ અભિનેત્રી શ્રદ્ધા કપૂરે 3 માર્ચ, મંગળવારે તેનો 33મો જન્મદિવસ સાદાઈથી ઉજવ્યો હતો. આજના દિવસે એણે મુંબઈના ભાયખલા વિસ્તારમાં આવેલી સેવાભાવી અનાથાલય 'આશાદાન' સંસ્થાની મુલાકાત લેવાનું પસંદ કર્યું હતું. મિશનરીઝ ઓફ ચેરિટી દ્વારા સંચાલિત આ સંસ્થામાં જઈને એણે અસહાય અને ગરીબ બાળકો તથા વરિષ્ઠ નાગરિકો સાથે કેક કાપીને અને એમને મદદરૂપ થઈને પોતાનો જન્મદિવસ ઉજવ્યો હતો. શ્રદ્ધાએ તેની આ મુલાકાતની તસવીરો તેના ઈન્સ્ટાગ્રામ એકાઉન્ટ પર પોસ્ટ કરી છે.
શ્રદ્ધાની નવી ફિલ્મ આવી રહી છે 'બાગી 3'. આ એક્શન-પેક્ડ ફિલ્મમાં તે ફરી ટાઈગર શ્રોફ સાથે ચમકશે. ફિલ્મ 6 માર્ચે રિલીઝ થઈ રહી છે.
