મુંબઈ: બૉલિવૂડની સુંદર અભિનેત્રીઓમાંની એક એવી કેટરિના કૈફનો આજે એટલે કે 16મી જુલાઈએ જન્મદિવસ છે. આ તકે પતિ અભિનેતા વિકી કૌશલ પત્ની કેટરિના પર પ્રેમ વરસાવતો જોવા મળી રહ્યો છે. કેટરિનાના જન્મ દિવસ પર કરીના કપૂરથી લઈને અનન્યા પાંડે સુધીના બોલિવૂડ સેલેબ્સ બર્થડેની શુભકામનાઓ પાઠવી રહ્યાં છે. જ્યારે બીજી તરફ તેના પતિ વિકી કૌશલે કેટલીક અનસીન તસવીર શેર કરી વાઈફ કૅટ માટે પ્રેમ વ્યક્ત કર્યો છે.
વિકી કૌશલે શેર કરેલી તસવીરમાં બંનેનો અતૂટ પ્રેમ અને મસ્તી જોવા મળે છે. આ તસવીરોએ લોકોના દિલ જીતી લીધા છે. ફોટો શેર કરી વિકી કૌશલે લખ્યું છે કે,’તારી સાથે યાદો બનાવવી એ મારા જીવનનો પ્રિય ભાગ છે. હેપ્પી બર્થડે માય લવ.
(તસીવર સૌજન્ય: વિકી કૌશલ)
