રીંગણા નથી ભાવતા? પણ…આ શાક ભાવશે….

સામગ્રીઃ 5-6 રીંગણા, 3 ચમચા તેલ રીંગણા સાંતડવા માટે, 2 ચમચા તેલ વઘાર માટે, મરચાં પાવડર 1 ચમચી, ધાણાજીરૂં 1 ચમચી, હળદર ¼ ચમચી, ગરમ મસાલો ¼ ચમચી, મીઠું સ્વાદાનુસાર, દહીં 1 કપ, ચણાનો લોટ 2 ચમચા, આદુ-લસણની પેસ્ટ 1 ચમચી, 1 કાંદો ઝીણો સમારેલો, કોથમીર ½  કપ ઝીણી સમારેલી

રીતઃ રીંગણા ધોઈને દરેકને 4 ઉભી ચીરીમાં સુધારી દો. એક કડાઈમાં 3 ચમચા તેલ લઈ રીંગણ સાંતડી લો. ગુલાબી રંગના થાય એટલે બીજી પ્લેટમાં કાઢી લો. ફરીથી કડાઈમાં 2 ચમચા તેલ લઈ જીરા-હીંગનો વઘાર કરી કાંદો સાંતડી લો. તેમજ આદુ-લસણની પેસ્ટ પણ સાંતડી લો. બધો સૂકો મસાલો નાખીને 2 મિનિટ સાંતડીને 1 કપ પાણી તેમજ દહીં વલોવીને ઉમેરી દો. મિશ્રણ પાંચ-સાત મિનિટ થવા દો. હવે સાંતળેલા રીંગણા નાખીને ફરીથી કડાઈ ઢાંકીને 5-10 મિનિટ સુધી શાક રંધાય એટલે શાક ગેસ પરથી નીચે ઉતારીને કોથમીર ભભરાવી દો.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]