મગની દાળ અને પાલકની ઈડલી ડાયાબિટીસ ધરાવનાર માટે ઉત્તમ ડાયેટ છે. આ ઈડલી સ્વાદમાં પણ સારી બને છે!
સામગ્રીઃ
- મગની દાળ 1 કપ
- પાલક ½ કપ
- દહીં 2 ટે.સ્પૂન
- મીઠું સ્વાદ મુજબ
- 2-3 લીલા મરચાં
- આદુ ½ ઈંચ
- ખાવાનો સોડા 1 ટી.સ્પૂન
- તેલ ઈડલી સ્ટેન્ડમાં ચોપડવા માટે
રીતઃ મગની દાળને 2-3 પાણીએથી ધોઈને પાણીમાં 2-3 કલાક માટે પલાળો. ત્યારબાદ પાલકને સારી રીતે ધોઈને સમારી લો. હવે મિક્સીમાં દાળ, પાલક, લીલા મરચાં, દહીં નાખીને બારીક ખીરું તૈયાર કરી લો. મીઠું સ્વાદ મુજબ ઉમેરી દો. આ ખીરું ઢાંકીને 1 કલાક માટે રહેવા દો.
1 કલાક બાદ ઈડલીના કૂકરમાં પાણી નાખીને કૂકર ગરમ કરવા મૂકો. ઈડલીના સ્ટેન્ડમાં તેલ ચોપડીને ખીરું નાખીને સ્ટેન્ડને કૂકરમાં મૂકીને કૂકર ઢાંકી દો અને 15-20 મિનિટ સુધી ઈડલીને બફાવા દો. ત્યારબાદ બહાર કાઢીને થોડી ઠંડી થાય એટલે ચપ્પૂ વડે સ્ટેન્ડમાંથી કાઢી લો.
નાળિયેરની ચટણી સાથે ઈડલી સારી લાગશે!
