ઈન્સ્ટન્ટ પેંડા

આ વર્ષે રક્ષાબંધનમાં ભાઈ માટે ઘરે મિઠાઈ બનાવવા માંગતા હોવ તો તૈયાર છે માવા વગર પણ બની શકે એવા પેંડાની રેસિપી!

સામગ્રીઃ 200 ગ્રામ મિલ્ક પાવડર, 2 ટે.સ્પૂન મલાઈ, 1 ટે.સ્પૂન ઘી, ½ કપ દૂધ, 2-3 ટે.સ્પૂન સાકર, સજાવટ માટે બદામ અથવા પિસ્તા, 1 ટી.સ્પૂન એલચી પાવડર

રીતઃ ગેસ ઉપર એક કઢાઈ ગરમ કરવા મૂકો. એમાં ઘી રેડી દો. ઘી ગરમ થાય એટલે મલાઈ એમાં સાંતડો. 2-3 મિનિટ બાદ એમાં દૂધ રેડી દો. અને એલચી પાવડર ઉમેરીને ઝારા વડે હલાવતાં રહો.

દૂધમાં એક ઉભરો આવે એટલે સાકર ઉમેરી દો. અને ત્યારબાદ ધીરે ધીરે ગઠ્ઠા ના થાય એ રીતે મિલ્ક પાવડર ઉમેરી દો. હવે આ મિશ્રણને એકસરખું હલાવતાં રહો. મિશ્રણ કઢાઈના કિનારા છોડીને વચ્ચે જમા થવા માંડે અને માવા જેવું રેડી થાય એટલે ગેસ બંધ કરીને કઢાઈ નીચે ઉતારી લો. હાથમાં લઈ વાળી શકાય એવું સહેજ ઠંડું થાય એટલે થોડું મિશ્રણ હાથમાં લઈ ચપટો ગોળો વાળીને ઉપરની સાઈડમાં વચ્ચે એક એક બદામ અથવા પિસ્તા લગાડીને દબાવી દો.

લો તૈયાર છે ઈન્સ્ટન્ટ પેંડા!

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]