દેશની 20 યુનિવર્સિટી વર્લ્ડ કલાસ બનશેઃ PM મોદી

પટના– વડાપ્રધાન નરેન્દ્ર મોદી આજે શનિવારે બિહારની પટના યુનિવર્સિટીના 100 વર્ષ પુરા થવાના પ્રસંગે હાજર રહ્યા હતા. ત્યારે પીએમ મોદીએ વિશ્વવિદ્યાલયના વખાણ કર્યા હતા, અને વિશ્વવિદ્યાલયની ધરતીને નમન કર્યા હતા. પીએમ મોદી પટના આવ્યા છે, ત્યારે પટના યુનિવર્સિટી અને બિહારના સીએમ નિતીશકુમાર એ માંગ કરી હતી કે તેને કેન્દ્રીય યુનિવર્સીટીનો દરજ્જો આપવામાં આવે, પણ પીએમ નરેન્દ્ર મોદીએ આ માંગ પર કહ્યું હતું કે કેન્દ્રીય યુનિવર્સિટીની માંગે વીતેલા દિવસોની છે. આપણે એક પગલું આગળ વધીને આ યુનિવર્સિટીને આગળ લઈ જવી છે, તેના માટે હું આપને આમંત્રણ આપવા આવ્યો છું.વડાપ્રધાને વધુમાં કહ્યું હતું કે વિશ્વની 500 વિશ્વવિદ્યાલયોમાં હિન્દુસ્તાનની એક પણ વિશ્વવિદ્યાલયનું નામ નથી. દેશમાં 10 સરકારી અને 10 ખાનગી યુનિવર્સિટીને આપણે વર્લ્ડ કલાસ બનાવવા માંગીએ છીએ. તેના વિકાસ માટે સરકાર 10 હજાર કરોડ રૂપિયા આપશે. આ તમામ વિશ્વવિદ્યાલય સરકારી નિયંત્રણમાંથી બહાર હશે. આ પ્રતિયોગિતામાં સામેલ થવા માટે હું પટના યુનિવર્સિટીને આમંત્રણ આપું છું.

પીએમ નરેન્દ્ર મોદીએ કહ્યું હતું કે દુનિયામાં એ જ દેશ પ્રગતિ કરે શકે છે, જે ઈનોવેશનને પ્રાથમિકતા આપશે. ગંગાની ધારાની જેમ બિહારમાં જ્ઞાનની ધારા વહે છે. શિક્ષણનો હેતું માઈન્ડને ખુલ્લુ રાખવાનો છે. હું પટના યુનિવર્સિટીના યુવાનોને આહ્વાન કરું છું કે આપની આસપાસની સમસ્યા જુઓ છો કે તે સમસ્યાને દૂર કરવા માટે આપ ઈનોવેશન કરો.

પીએમ નરેન્દ્ર મોદીએ દેશના સિવિલ સર્વિસીઝનું નેતૃત્વ બિહારની પટના યુનિવર્સિટીના વિદ્યાર્થીઓ કરે છે. હું દરરોજ દેશના સેંકડો અધિકારીઓને મળું છું, જેમાંથી વધુ લોકો બિહારમાંથી આવે છે. બિહાર પર સરસ્વતીની કૃપા છે. હવે લક્ષ્મી અને સરસ્વતી મળીને બિહારને નવી ઊંચાઈ પર લઈ જવાશે. બિહારની ગણતરી 2022માં સમૃદ્ધ રાજ્યોની શ્રેણીમાં આવશે.