કોંગ્રેસી નેતા કરણ સિંહના પુત્ર વિક્રમાદિત્ય સિંહનું PDPમાંથી રાજીનામું

નવી દિલ્હી – જમ્મુ અને કશ્મીર રાજ્યમાં ભાજપ સાથેની શાસક પીપલ્સ ડેમોક્રેટિક પાર્ટી (PDP)ના નેતા વિક્રમાદિત્ય સિંહે આજે પક્ષમાંથી રાજીનામું આપી દીધું છે.

વિક્રમાદિત્ય સિંહ કોંગ્રેસના વરિષ્ઠ નેતા ડો. કરણ સિંહના પુત્ર છે. કરણ સિંહ રાજ્યના ભૂતપૂર્વ સદ્ર-એ-રિયાસત છે.

વિક્રમાદિત્ય સિંહે જમ્મુ અને કશ્મીરના મુખ્યપ્રધાન અને પીડીપીનાં વડાં મેહબૂબા મુફ્તીને પોતાનો રાજીનામાનો પત્ર મોકલી આપ્યો છે. એમણે કહ્યું છે કે પોતાની અને પાર્ટી વચ્ચે મતભેદોને કારણે પોતે આ રાજીનામું આપી રહ્યા છે.

એમણે રાજ્યમાં રોહિંગ્યા મુસલમાનોનાં ગેરકાયદેસર વસવાટના પ્રશ્નનો પણ રાજીનામાના પત્રમાં ઉલ્લેખ કર્યો છે.