એન્કાઉન્ટર તો કરી નાખ્યુંઃ સુપ્રીમની આ માર્ગદર્શિકાનો પોલીસ શું રસ્તો કાઢશે?

નવી દિલ્હી: તેલંગણામાં બળાત્કારના ચારેય આરોપીઓને એન્કાઉન્ટરમાં ઢેર કરવામાં આવ્યાં છે. પોલીસ થિયરી મુજબ આ ચારેયને ઘટના સ્થળે લાવવામાં આવ્યાં હતાં જેથી આખી ઘટના ફરી સમજી શકાય. પરંતુ તેમાંથી એકે પોલીસ કર્મચારીનું હથિયાર છીનવીને ભાગી જવાનો પ્રયાસ કર્યો હતો. પોલીસ માટે તેમની ઉપર ફાયરિંગ કરવા સિવાયનો કોઈ રસ્તો ન હતો અને જેમાં તેમનું મોત નીપજ્યું હતું.

મહત્વનું છે કે, 28 નવેમ્બરના રોજ આ ચારેય આરોપીઓ જેમની ઉંમર 20 થી 26 વર્ષની વચ્ચે હતી, લેડી ડોક્ટરને ટોલ બૂથ પર સ્કૂટી પાર્ક કરતી જોવા મળી હતી. એવો આક્ષેપ કરવામાં આવે છે કે આ લોકોએ જાણી જોઈને તેની સ્કૂટી બગાડી દીધી હતી. આ પછી મદદ કરવાના બહાને તેને અપહરણ કરી નિર્જન સ્થળે ગેંગરેપ કર્યો હતો અને બાદમાં હત્યા પછી પેટ્રોલ નાખીને આગ લગાવી દીધી હતી. પોલીસના જણાવ્યા અનુસાર આ લોકોએ આ ઘટના પહેલા દારૂ પણ પીધો હતો. બળાત્કાર અને હત્યાની આ ઘટના બાદ દેશભરમાં રોષ જોવા મળ્યો હતો અને આ મામલે સુનાવણી માટે ફાસ્ટ ટ્રેક કોર્ટની રચના કરવામાં આવી હતી.

આ એન્કાઉન્ટર માટે જુદા જુદા જવાબો છે. કેટલાક લોકો તેનો ટેકો આપી રહ્યાં છે અને કેટલાક લોકો તેનો વિરોધ કરી રહ્યાં છે. દરમિયાન, આપણે એ પણ ધ્યાનમાં રાખવું જોઈએ કે સપ્ટેમ્બર 2014માં સુપ્રીમ કોર્ટે એન્કાઉન્ટર અંગે માર્ગદર્શિકા જારી કરી હતી. જ્યારે તપાસ થાય છે ત્યારે તેલંગાણા પોલીસ પોતાને સત્ય સાબિત કરી શકશે?