પાકિસ્તાનનું હેલિકોપ્ટર ભારતની હવાઈ સીમામાં ઘૂસી આવ્યું

શ્રીનગર – પાકિસ્તાનના એક હેલિકોપ્ટરે આજે જમ્મુ-કશ્મીર રાજ્યમાં ભારતની હવાઈ સીમાનું ઉલ્લંઘન કર્યું હતું. એ હેલિકોપ્ટર આજે બપોરે 12.15-12.20 વાગ્યે કશ્મીરમાં LoC સ્થિત પૂંચ સેક્ટરને પાર કરીને ભારતની સીમામાં ઘૂસી આવ્યું હતું.

પાકિસ્તાની હેલિકોપ્ટર અનેક મિનિટો સુધી ભારતીય હવાઈ સીમામાં ફર્યું હતું અને પછી પાછું જતું રહ્યું હતું..

એ જાણવા મળ્યું નથી કે તે હેલિકોપ્ટર ભૂલમાં ભારતીય સીમાની અંદર આવી ગયું હતું કે તે ઘૂસણખોરીનો પ્રયાસ હતો.

ભારતીય સત્તાવાળાઓએ આ ઘટના વખતે અત્યંત સંયમ જાળવ્યો હતો. લશ્કરે પોતાના શસ્ત્રનો ઉપયોગ કરીને તે હેલિકોપ્ટરને તોડી પાડવાનો પ્રયાસ પણ કર્યો હતો, પણ હેલિકોપ્ટર પાછું પાકિસ્તાનમાં જતું રહ્યું હતું.

હવે ભારત આ ઘટના અંગે પાકિસ્તાન સમક્ષ વિરોધ નોંધાવશે.

ત્રાસવાદી સંગઠનોને પાકિસ્તાન દ્વારા અપાતા ટેકાના મામલે ભારત અને પાકિસ્તાન વચ્ચેના સંબંધ વધુ બગડી ગયા છે એવા વખતે હેલિકોપ્ટરે ભારતીય સીમામાં ઘૂસણખોરી છે.

httpss://twitter.com/ANI/status/1046318954212339713

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]