IAF દ્વારા કોન્ટ્રાક્ટ મળ્યો તો અન્ય દેશોને F-21 નું વેચાણ નહી કરવામાં આવેઃ લોકહીડ માર્ટિન

નવી દિલ્હીઃ અમેરિકી વિમાન કંપની લોકહીટ માર્ટિને કહ્યું છે કે જો ભારત દ્વારા 114 લડાકૂ વિમાનોની ખરીદી માટે તેને નવા F-21 વિમાનોનો ઓર્ડર મળે તો અન્ય દેશોને આનું વેચાણ નહી કરવામાં આવે. વ્યાપક સ્તર પર ખરીદી સોદા માટે અમેરિકી, યૂરોપીય અને રશિયન કંપનીઓથી પ્રતિસ્પર્ધા પહેલા જ દિગ્ગજ વિમાન કંપનીએ આ પ્રકારની રજૂઆત કરી છે.

લોકહીડ માર્ટિન માટે રણનૈતિક અને વ્યાપારિક વિકાસના ઉપાધ્યક્ષ વિવેક લાલે કહ્યું કે જો એફ 21 અનુબંધ મળ્યો તો ભારત કંપનીના વૈશ્વિક લડાકૂ વિમાનોના તંત્રનો ભાગ હશે જે 165 અબજ ડોલરનું બજાર છે. પ્રાપ્ત વિગતો અનુસાર નવા લડાકૂ વિમાનને ભારતમાં વાયુ સેનાના 60 થી વધારે સ્ટેશનોથી કામ કરવાના દ્રષ્ટીકોણથી ડિઝાઈન કરવામાં આવ્યું છે. આના મહત્વપૂર્ણ પહેલુઓમાં સુપીરિયર એન્જિન મૈટ્રિક્સ, ઈલેકટ્રોનિક યુદ્ધ ક્ષમતા અને હથિયારની ક્ષમતાનો સમાવેશ થાય છે.

તેમણે કહ્યું કે અમે આ પ્લેટફોર્મ અને સંચરનાને દુનિયામાં કોઈ અન્ય દેશને નહી વેચીએ. લોકહીડ માર્ટિન દ્વારા આ મહત્વપૂર્ણ પ્રતિબદ્ધતા છે અને આ ભારતની મહત્તા તેમજ તેની જરુરતોને રેખાંકિત કરે છે.ૉ

આપને જણાવી દઈએ કે ગત મહિને વાયુસેનાએ આશરે 18 અબજ ડોલરના ખર્ચથી 114 લડાકૂ વિમાનોની ખરીદી માટે RFI અથવા શરુઆતી ટેન્ડર જાહેર કર્યું હતું. આને તાજેતરના વર્ષોમાં સેનાની સૌથી મોટી ખરીદી પૈકી એક ગણવામાં આવી રહ્યું છે. સોદાના શીર્ષ દાવેદારોમાં લોકહીડનું F-21, બોઈંગનું F/A-18 દસો એવિએશનનું રાફેલ, યૂરોફાઈટર ટાયફૂન, રશિયન લડાકૂ વિમાન મિગ-35 અને સ્વીડિશ કંપનીનું ગ્રિપેન શામિલ છે.