નવી દિલ્હી- જમ્મુ અને કશ્મીરના પૂંચ જિલ્લામાં સરહદ પર પાકિસ્તાન દ્વારા કરવામાં આવી રહેલા ફાયરિંગમાં એક 10 વર્ષના એક બાળક સહિત 3 વ્યક્તિનુ મોત થયું છે, જ્યારે પાંચ અન્ય સ્થાનિક નાગરિકો ઘાયલ થયા છે. મૃતક બાળકની ઓળખ અહમદના રૂપમાં થઈ છે. પાકિસ્તાની સેનાએ કર્ની ક્ષેત્રમાં આજે સવારે આશરે 6.30 કલાકે ભારે ફાયરિંગ કર્યું હતુ. પ્રાપ્ત માહિતી અનુસાર ભારતીય સેના આ હુમલાઓનો મજબૂત રીતે વળતો જવાબ આપી રહી છે.
સૂત્રો પાસેથી પ્રાપ્ત માહિતી અનુસાર સેના દ્વારા ભારતીય ચોકીઓ પર કોઈપણ પ્રકારના કારણ વગર ફાયરિંગ કરવામાં આવી રહ્યું છે. ભારતીય સેના પણ પાકિસ્તાનના ફાયરિંગનો જડબાતોડ જવાબ આપી રહી છે. તો બીજી બાજુ કેરન સેક્ટરમાં સુરક્ષાદળોએ ઘૂસણખોરીની કોશિશ કરી રહેલા વ્યક્તિઓને અટકાવ્યા હતા અને એક ઘૂસણખોરને મોતને ઘાટ ઉતાર્યો હતો. ત્યારે આ તમામ વિસ્તારમાં સેના દ્વારા અત્યારે સર્ચ ઓપરેશન ચાલુ છે.
