હોંગકોંગઃ હોંગકોંગમાં વૃદ્ધો સહિત સેંકડો લોકોએ અમેરિકન કોન્સ્યુલેટ તરફ કૂચ કરીને સરકાર વિરોધી વિરોધ પ્રદર્શનમાં ટેકો આપવા બદલ અમેરિકાના રાષ્ટ્રપ્રમુખ ડોનાલ્ડ ટ્રમ્પનો આભાર માન્યો હતો. તેમણે ‘થેંકયુ પ્રેસિડેન્ટ ટ્રમ્પ’ ના પ્લેકાર્ડ દર્શાવ્યા હતા. એક બેનરમાં લખ્યું હતું કે “રાષ્ટ્રપતિ ટ્રમ્પ, કૃપા કરીને હોંગકોંગને મુક્ત કરો.”
વાત એમ છે કે યુએસ પ્રમુખ ડોનાલ્ડ ટ્રમ્પે ગયા અઠવાડિયે ‘હોંગકોંગ હ્યુમન રાઇટ્સ એન્ડ ડેમોક્રેસી લો’ પર હસ્તાક્ષર કર્યાં હતાં. અમેરિકન સંસદના બંને ગૃહો દ્વારા સેનેટ અને પ્રતિનિધિઓના ગૃહ સમક્ષ તે પસાર થઈ ચૂક્યું છે. કાયદા અનુસાર, યુએસ કાયદા હેઠળ, હોંગકોંગની વિશેષ સ્થિતિ માટે નજર રાખવામાં આવશે. એવું પણ કહેવામાં આવ્યું હતું કે બેઇજિંગથી હોંગકોંગને સ્વાયત્તતા આપવાની સંબંધિત જોગવાઈને ગંભીરતાથી લેવામાં આવશે. બીજો કાયદો હોંગકોંગ પોલીસને ભીડ નિયંત્રણના માધ્યમો, જેમ કે ટીયર ગેસ, પેપર સ્પ્રે, રબર બુલેટ્સ, સ્ટન ગન વગેરેના નિકાસ પર પ્રતિબંધિત કરે છે.
રવિવારે કાળા વસ્ત્રોમાં સેંકડો વિરોધકર્તાઓ હોંગકોંગના શેરીઓમાં ઊતર્યાં હતા. પોલીસે વિરોધ કરનારા ઉપર ટીયર ગેસ છોડ્યો હતો. એક અઠવાડિયા અગાઉ હોંગકોંગના સમર્થકોએ જ્યારે જિલ્લા કાઉન્સિલની ચૂંટણીઓમાં ભારે વિજય મેળવ્યો ત્યારે પણ પ્રદર્શનકારીઓ રસ્તા પર ઉતર્યા હતાં.
