અમદાવાદ– વિદ્યાર્થીઓના હિતમાં ગુજરાત હાઇકોર્ટએ મોટો ચૂકાદો આપ્યો છે. ગુજરાતમાં સ્થિત ડીમ્ડ યુનિવર્સિટીઝના વિદ્યાર્થીઓ સ્ટેટ ક્વોટામાં પ્રવેશ માટે એલિજિબલ હોવાનો હાઇકોર્ટે ચૂકાદો આપ્યો છે. આ ચૂકાદાની દૂરોગામી અસર પડશે.
પોસ્ટ ગ્રેજ્યુએટ મેડિકલમાં પ્રવેશ માટેના ગુજરાત સરકારે બદલેલા નિયમને હાઇકોર્ટે ગેરકાયદે ઠેરવ્યો છે. ગુજરાતમાં સ્થિત ડીમ્ડ યુનિવર્સિટીઓના વિદ્યાર્થીઓને માત્ર ઑલ ઇન્ડિયા ક્વૉટામાં જ પ્રવેશ આપી શકાય તેવો રાજ્ય સરકારે કોર્ટમાં દાવો કર્યો હતો. સરકારની રજૂઆતને હાઇકોર્ટે ફગાવી દીધી છે અને નિયમને પક્ષપાતી ગણાવ્યો છે.
