રાહુલ ગાંધીના નિવેદનથી ગુજરાત કોંગ્રેસને ચૂંટણીમાં પડી શકે છે ફટકો

નવી દિલ્હી- કોંગ્રેસ ઉપાધ્યક્ષ રાહુલ ગાંધીએ પોતાના ગુજરાત પ્રવાસ દરમિયાન સંઘમાં મહિલાઓની ભાગીદારી પર સવાલો ઉઠાવ્યા હતા. રાહુલે જણાવ્યું હતુ કે શું આરએસએસમાં તમે મહિલાઓને ક્યારેય શોર્ટ્સમાં જોયા છે ? કોંગ્રેસ ઉપાધ્યક્ષ રાહુલ ગાંધીના આ નિવેદનને ગુજરાત વિધાનસભા ચૂંટણીમાં ભાજપમાં મહિલાઓના સન્માન સાથે જોડીને મુદ્દો બનાવી શકે છે. ભાજપની આક્રમક રણનીતિથી કોંગ્રેસ પક્ષને નુકસાન થઈ શકે છે.

અત્યાર સુધી આ કોંમેન્ટ પર ભાજપ શું રણનીતિ તૈયાર કરશે, તે વાત હજી સ્પષ્ટ થઈ શકી નથી. સુત્રો પાસેથી પ્રાપ્ત માહીતી અનુસાર કોંગ્રેસ પક્ષના નેતાઓ રાહુલ ગાંધીના મહિલાના કપડાઓ વાળા નિવેદનને લઈને થોડી ચિંતા કરી રહ્યા છે. આરએસએસ દ્વારા પણ રાહુલના આ સવાલ પર કોંગ્રેસની ટીકા કરવામાં આવી છે. સંઘે રાહુલ ગાંધીના આ નિવેદનને પાયાવિહોણું ગણાવીને પોતાનો મજબૂત પક્ષ મુક્યો હતો. સંઘનું માનવું છે કે નજીકના ભવિષ્યમાં મહિલાઓ માટે અલગ શાખા બનાવવાની કોઈ યોજના સંઘ પરિવારની નથી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]