ભારતીય ટપાલ વિભાગ દ્વારા ‘દીનદયાળ સ્પર્શ શિષ્યવૃત્તિ યોજના’ની શરૂઆત

અમદાવાદભારતીય ટપાલ વિભાગે ડિજિટલ ભારત તથા વિવિધ સમાજ કલ્યાણની યોજનાઓની સાથે ઈતર પ્રવૃત્તિના ભાગરૂપે ટપાલ ટિકિટમાં અભિરૂચિ અને સંશોધનના પ્રોત્સાહન માટે એક શોખ કેળવી પોતાના જ્ઞાનમાં વૃદ્ધિ કરી શકે તે માટે “દીનદયાળ સ્પર્શ શિષ્યવૃત્તિ યોજનાશરૂ કરી છે.

દીનદયાળ સ્પર્શ શિષ્યવૃત્તિ યોજના અંતર્ગત ધોરણ 6થી 9 સુધી અભ્યાસ કરતા વિદ્યાર્થી ભાગ લઈ શકે છે. આ યોજનામાં પસંદગી પામેલ વિદ્યાર્થીને માસિક રૂ.500 લેખે પ્રતિવર્ષ રૂ.6000 મળવાપાત્ર રહેશે. આ યોજનામાં ભાગ લેવા ઈચ્છતા વિદ્યાર્થીઓ પોતાની અરજી જે તે પોસ્ટલ સુપ્રિટેન્ડેન્ટ/સિનિયર સુપ્રિટેન્ડેન્ટને તારીખ 10-07-2018 સુધીમાં સ્પીડ પોસ્ટ કે રજિસ્ટર્ડ પોસ્ટ અથવા રૂબરૂમાં આપી શકશે.

આ ઉપરાંત ભારતીય ટપાલ વિભાગ દ્વારા રાષ્ટ્રીય સ્તરે ઢાઈ અક્ષર પત્ર લેખન અભિયાનતારીખ 15-06-2018થી 30-09-2018 સુધી શરૂ કરવા આવ્યું છે. આ વર્ષે પત્ર લેખનનો વિષય મારી માતૃભૂમિ ને પત્ર – Letter To My Motherland” જે રવીન્દ્રનાથ ટાગોરના “આમાર દેશેર માંટ્ટીથી પ્રેરિત છે. આ પત્ર અંગ્રેજી, હિન્દી કે ગુજરાતી ભાષામાં લખી મુખ્ય પોસ્ટમાસ્તર જનરલ, ગુજરાત સર્કલ અમદાવાદ-380 001ને તારીખ 30-09-2018 કે તે પહેલા મળી રહે એ રીતે મોકલવાના રહેશે.

આ અભિયાનમાં (1) 18 વર્ષની ઉંમર સુધી તેમજ (2) 18 વર્ષ કે તેથી મોટી ઉંમરવાળા કોઈપણ ભારતીય નાગરિક ભાગ લઈ શકશે. પત્ર (1) આંતરદેશીય કાર્ડ (Inland letter Card) અથવા (2) A/4 સાઈઝ પેપર લખી બંધકવરમાં નિમ્નલિખિત સરનામે મોકલવાના રહેશે પત્રની સાથે ઉંમરનું પ્રમાણપત્ર પણ મોકલવાનું રહેશે.

આ સ્પર્ધામાં ભાગ લેનારને રાજ્ય સ્તર અને પછી રાષ્ટ્રીય સ્તરે ઈનામો આપી પ્રોત્સાહિત કરવામાં આવશે. ઈનામ દરેક કેટેગરીમાં રાજ્ય સ્તર પર પ્રથમ 25,000 રૂપિયા, દ્વિતીય 10,000 રૂપિયા, તૃતીય આવનારને 5,000 રૂપિયા અને રાષ્ટ્રીય સ્તર પર પ્રથમ ઈનામ રૂપિયા 50,000, દ્વિતીય 25,000 અને તૃતીય આવનારને ઈનામ રૂપિયા 10,000 આપી પ્રોત્સાહિત કરવામાં આવશે.

આ બંને યોજનાઓની વિગતવાર માહિતી www.gujaratpost.gov.in વેબસાઈટ પર અને જે તે વિસ્તારના પોસ્ટલ સુપ્રિટેન્ડેન્ટ/સિનિયર સુપ્રિટેન્ડેન્ટની કચેરીએથી મળી શકશે. આ ઉપરાંત નીચે જણાવેલ ટેલિફોન નંબર પર કોલ કરી પણ જાણકારી મેળવી શકાશે.

1.    મુખ્ય પોસ્ટ માસ્તર જનરલની કચેરી, ખાનપુર, અમદાવાદ-079-25504953, 25505354

2.    પોસ્ટ માસ્તર જનરલ હેડ ક્વાટર, અમદાવાદ 079-22866806

3.    પોસ્ટ માસ્તર જનરલ વડોદરા 0265-2750811

4.    પોસ્ટ માસ્તર જનરલ રાજકોટ 0281-223156

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]