ગાંધીનગર– રાજ્યમાં વાહન વ્યવહારની પ્રક્રિયા સરળ બને અને નાગરિકોને ઝડપથી સેવાઓ ઉપલબ્ધ થાય તે માટે વાહન વ્યવહાર વિભાગે વધુ એક મોટો નિર્ણય લીધો છે. જેના ભાગરૂપે રાજ્યભરમાં ડ્રાઇવિંગ લાયસન્સના ઇ-પેમેન્ટની પ્રક્રિયા વિનામૂલ્યે પૂરી પાડવામાં આવશે.આ માહિતી વાહન વ્યવહાર કમિશનરની યાદીમાં આપવામાં આવી છે. ડ્રાઇવિંગ લાયસન્સના ઇ-પેમેન્ટની પ્રક્રિયાની શરૂઆત પાટણ આર.ટી.ઓ.થી કરાઇ હતી. જેની વ્યાપક સફળતાને પરિણામે આ સુવિધા અમદાવાદ, વડોદરા, રાજકોટ, સુરત સહિત ૩૨ જિલ્લાઓમાં શરૂ કરવામાં આવી છે.
આ સાથે લાયસન્સ સંબંધી તમામ કામગીરી ડોક્યુમેન્ટ અપલોડીંગ, એપોઇન્ટમેન્ટ પરીક્ષા, ટેસ્ટ સ્ટ્રેક, સ્માર્ટકાર્ડ સહિતની કામગીરી સો ટકા ઓન લાઇન થઇ ગઇ હોવાનું જણાવવામાં આવી રહ્યું છે.