મુખ્યપ્રધાન સીએમ રુપાણી સહિત ગુજરાતવાસીઓએ સુષ્મા સ્વરાજને અર્પી શ્રદ્ધાંજલિ…

ગાંધીનગરઃ ભારતના પૂર્વ વિદેશ પ્રધાન સુષ્મા સ્વરાજનું નિધન થયું છે. ત્યારે દેશ-વિદેશના અનેક મોટા નેતાઓ સહિત અનેક અગ્રણી લોકો તેમને શ્રદ્ધાંજલિ આપી રહ્યા છે. એક સરળ વ્યક્તિત્વ અને એક મજબૂત નેતાએ વિદાય લઈ લેતા લોકો અત્યારે શોકમગ્ન છે. ત્યારે ગુજરાતના મુખ્યપ્રધાન વિજય રુપાણી અને પ્રદેશ પ્રમુખ જીતુ વાઘાણી સહિતના નેતાઓએ સુષ્મા સ્વરાજના નિધન બાદ શોક વ્યક્ત કરતા શ્રદ્ધાંજલિ આપી છે.

મુખ્યપ્રધાન વિજય ભાઈ રૂપાણીએ પૂર્વ વિદેશ પ્રધાન અને ભાજપાના વરિષ્ઠ મહિલા અગ્રણી સ્વ. સુષ્મા સ્વરાજને ભાવ સભર શ્રધાંજલિ આપતા તેમની સાથેના રાજ્ય સભાકાળના સંસ્મરણો તાજા કર્યા હતા.  વિજય ભાઈ રૂપાણીએ સદ્દગત સુષ્મા સ્વરાજના અવસાનથી દેશની રાજનીતિમાં એક વિરલ પ્રતિભાની ખોટ પડી છે તેમ કહ્યું હતું.

તો પ્રદેશ પ્રમુખ જીતુ વાઘાણીએ સુષ્મા વરાજને શ્રદ્ધાંજલી આપતા કહ્યું કે પૂર્વ વિદેશ પ્રધાન સુષ્મા સ્વરાજનું નિધન રાષ્ટ્ર અને સમસ્ત ભાજપા માટે અપૂર્ણીય ક્ષતી છે. તેમના પ્રામાણિક નેતૃત્વમાં કામ કરવાની તક મળી છે. તેઓ અમારા જેવા કરોડો કાર્યકર્તાઓના આદર્શ હતા. તેમના પરિજનોના પ્રત્યે મારી સંવેદનાઓ છે અને દિવંગત આત્માની શાંતિ માટે પ્રાર્થના કરું છું.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]