નવી દિલ્હીઃ કેન્દ્રીય ભાજપના ત્રણ દિવસ ચાલેલા મહામંથન બાદ આજે મોડી સાંજે ભાજપની કેન્દ્રીય બેઠકમાં વધુ 48 ઉમેદવાદ પસંદ કરાયાં હોવાનું લિસ્ટ બહાર પાડ્યું છે. લોકસભા ચૂંટણીને અનુલક્ષી જાહેર થયેલ આ લિસ્ટમાં ગુજરાતની ઘણી બેઠકો માટે આ સાથે ઉમેદવાર જાહેર થઈ ગયાં છે. જેમાં પક્ષની રીતરસમથી અલગ રીપિટ થીયરીનો જયકાર દેખાયો છે.
ભાજપની કેન્દ્રીય બેઠક યોજવામાં આવી હતી. આ બેઠક બાદ જેપી નડ્ડાએ પ્રેસ કોન્ફરન્સ યોજી ભાજપાની ત્રીજી યાદી જાહેર કરી છે. આ યાદીમાં ગુજરાત વિધાનસભાની ત્રણ બેઠક, ધ્રાંગધ્રા, માણાવદર અને જામનગર રુરલની પેટાચૂંટણીના ઉમેદવાર પણ જાહેર કરવામાં આવ્યાં છે. પરસોત્તમ સાબરીયા, જવાહર ચાવડા અને રાઘવજી પટેલને ટિકીટ આપવામાં આવી છે.
આ યાદીમાં ગુજરાતના 15, ગોવાના 2 ઉમેદવાર, મધ્યપ્રદેશના 15, ઝારખંડના 10, હિમાચલ પ્રદેશના 4 અને કર્ણાટકના – 2 ઉમેદવાર એમ કુલ 48 ઉમેદવારના નામ જાહેર કર્યા છે. ઉલ્લેખનીય છે કે દિવસભર અમદવાદ પૂર્વની પરેશ રાવલની બેઠક માટે ચર્ચા ચાલી હતી તેનું સસ્પેન્સ આ યાદીમાં હજુ ખુલ્યું નથી.
