ભારતીયોને ઝટકોઃ USમાં H-1B વિઝા હોલ્ડર્સના જીવનસાથીને નહીં મળે નોકરી

વોશિંગ્ટનઃ ટ્રમ્પ સરકાર એચ1બી વિઝા હોલ્ડર્સના જીવનસાથીને અમેરિકામાં કાયદાકીય રીતે કામ કરવાની મંજૂરી આપવા પર પ્રતિબંધ લગાવવાનો વિચાર કરી રહી છે. ફેડરલ એજન્સીના એક વરિષ્ઠ અધિકારીએ લૉમેકર્સને આ જાણકારી આપી હતી. આ નિર્ણયની અસર હજારો ભારતીયો પર પડશે. તો આ સાથે જ પૂર્વ પ્રેસિડેન્ટ બરાક ઓબામાના સમયમાં શરૂ થયેલો આ નિયમ નાબુદ થઈ શકે છે. આની અસર 70 હજારથી વધારે એચ-4 વિઝા હોલ્ડર્સ પર પડી શકે છે, જેમણે વર્ક પરમીટ પ્રાપ્ત કરી છે.

એચ-4 વિઝા, એચ-1બી વિઝા હોલ્ડર્સના જીવનસાથીને જાહેર કરવામાં આવે છે, જેમાં ભારતમાંથી જનારા હાઈ-સ્કિલ્ડ પ્રોફેશનલ્સ મોટી સંખ્યામાં હોય છે. આ લોકોને ઓબામા દ્વારા જાહેર કરવામાં એક સ્પેશીયલ ઓર્ડર અંતર્ગત વર્ક પરમિટ પ્રાપ્ત થઈ હતી. આ પ્રાવધાનથી ભારતીય-અમેરિકીઓને મોટો ફાયદો થયો હતો. આ નિયમને લઈને 1 લાખથી વધારે એચ-4 વિઝા હોલ્ડર્સને ફાયદો થયો હતો.

ઓબામા સરકાર દ્વારા 2015માં જાહેર કરવામાં આવેલા આ નિયમથી પરમેનેન્ટ રેજિટેન્ડ સ્ટેટસ પ્રાપ્ત કરવા ઈચ્છુક એચ-1બી વિઝા હોલ્ડર્સના સ્પાઉસ માટે વર્ક પરમિટ પ્રાપ્ત કરવાનો રસ્તો સાફ થયો છે. તેના વગર તેઓ નોકરી પણ નહોતા કરી શકતા. આ પ્રોસેસમાં એક દશક અથવા તેના કરતા પણ વધારે સમય લાગી જાય છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]