USમાં ફરી શટડાઉનની સ્થિતિ સર્જાઇ, સરકારી કામકાજ સ્થગિત

વોશિંગ્ટન– જાન્યુઆરીમાં શટડાઉનનો ભોગ બનેલ અમેરિકાની ટ્રમ્પ સરકાર ટૂંકાગાળામાં ફરીવાર શટડાઉનની સ્થિતિ તરફ ધકેલાઇ છે. અમેરિકન કોંગ્રેસની એક બજેટીય દરખાસ્ત પસાર ન થવાના કારણે શટડાઉનનો સામનો કરવો પડશે.યુએસ સાંસદોને આશા હતી કે નવા બિલને અડધી રાત સુધીમાં ફેડરલ ફંડિગ એક્સપાયર થવા પહેલાં પસાર કરી દેવાશે. તેમની આશા પર રીપબ્લિકન સેનેટરે પાણી ફેરવી દીધું છે. રીપબ્લિકન સેનેટર રેન્ડ પૉલે ખર્ચની સીમા સાચવવાના સંશોધન પર ચેમ્બરમાં ચર્ચા કરવાની માગણી મૂકતાં આ સ્થિતિ સર્જાઇ છે.

આ પહેલાં પણ 20 જાન્યુઆરીએ શટડાઉન કરવું પડ્યું હતું. શટડાઉનની સ્થિતિમાં સરકારી કર્મચારીઓને ફરજિયાત રજા પર ઊતારી દેવાય છે અને તે દિવસોનો પગાર પણ અપાતો નથી. આ સંજોગોમાં અનુમાન પ્રમાણે 8 લાખથી વધુ કર્મચારીઓ ગેરહાજર રખાશે, જોકે આપાતકાલીન સેવાઓ ચાલુ રહેશે.

 

 

 

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]