કેતન મિસ્ત્રી (બેંગલોર)
છેલ્લા કેટલાક દિવસથી જેની આતુરતાપૂર્વક રાહ જોવાઈ રહી હતી તથા જેના ફીચર્સની આસપાસ કુતૂહલતાનું જાળું વીંટળાયેલું હતું એ વન પ્લસ સેવન સિરીઝના સ્માર્ટફોન્સ ગઈ કાલે બેંગલોર ઈન્ટરનેશનલ એક્ઝિબીશન સેન્ટરમાં રજૂ કરવામાં આવ્યા.
દેશ-દુનિયામાંથી પધારેલા ૩૦૦થી વધુ પત્રકારો તથા ગેઝેટ ગુરુ, એક્સપર્ટસની હાજરીમાં આ ફોન લૉન્ચ કરવામાં આવ્યો. માત્ર એમેઝોનની વેબસાઈટ પરથી ઉપલબ્ધ થનારા આ ફોનની કિંમત જાણી લોઃ
કિંમત: વન પ્લસ 7 pro
6GB + 128 GB: 48,999
8GB + 256 GB: 52,999
12GB +256 GB: 57,999
કિંમત: વન પ્લસ 7
6GB + 128 GB: 37,999
8GB + 256 GB: 39,999
ઉલ્લેખનીય છે કે આ ફોનના કૅમેરાની એ બજારમાં આવ્યો એ પહેલાંથી વાહ વાહ થઈ રહી છે. જગવિખ્યાત મેગેઝિન નૅશનલ જ્યોગ્રાફિકમાં વન પ્લસ સેવનથી ઝડપાયેલા ફોટા છપાયા છે. આ મેગેઝિનમાં મોબાઈલથી શૂટ થયેલા ફોટા છપાયા હોય એવો કદાચ આ પહેલો જ બનાવ છે. તો સૈફ અલી ખાન-નવાઝુદ્દીન સિદ્દીકીને ચમકાવતી વેબ સિરીઝ સેક્રેડ ગેમ્સ-ટુનું મોશન પોસ્ટર પણ આ ફોનથી શૂટ થયું છે.
