દેશના સૌથી પૌષ્ટિક ઘઉં “પૂસા યશસ્વી”નું લાઈસન્સ જાહેર, થશે મોટી સમસ્યા હલ

નવી દિલ્હીઃ દેશમાં વિકસિત અત્યાર સુધીના સૌથી વધારે પૌષ્ટિક ઘઉ એચડી 3226ના બીજ તૈયાર કરવા માટે બીજ ઉત્પાદક કંપનીઓને લાઈસન્સ જાહેર કરી દેવામાં આવ્યું છે. ઘઉંના આ બીજનું વેચાણ આવતા વર્ષથી શરુ થઈ જશે. ભારતીય કૃષિ અનુસંધાન પરિષદના ડિરેક્ટર જનરલ ત્રિલોચન મહાપાત્રાએ ભારતીય કૃષિ અનુસંધાન સંસ્થાનના પ્રૌદ્યોગિકી નવા ચાર દિવસના અવસર પર બીજ ઉત્પાદક કંપનીઓને લાઈસન્સ જાહેર કર્યું છે. આ કંપનીઓને રવી પાક દરમિયાન ઘઉંની આ નવીનતમ પ્રકારના પ્રજનક બીજ ઉપલબ્ધ કરાવવામાં આવશે. ખેડૂતોને આવતા વર્ષે સીમિત માત્રામાં આ બીજ ઉપ્લબ્ધ કરાવવામાં આવશે. એચડી 3226 પ્રકારને તાજેતરમાં જ જાહેર કરવામાં આવી છે. આની સૌથી મોટી વિશેષતા એ છે કે આમાં ઘઉંની અત્યાર સુધીની ઉપલબ્ધ તમામ પ્રકારથી વધારે પ્રોટીન અને ગ્લૂટીન છે. આમાં 12.8 ટકા પ્રોટીન, 30.85 ટકા ગ્લૂટીન અને 36.8 ટકા ઝીંક છે. અત્યાર સુધી ઘઉંના જે પ્રકાર છે તેમાં અધિકતમ 12.3 ટકા સુધીનું જ પ્રોટીન છે. આ ઘઉંથી રોટલી અને બ્રેડ તૈયાર કરી શકાશે.

આ ઘઉંના પ્રજનક અને પ્રધાન વૈજ્ઞાનિક ડો. રાજબીર યાદવે જણાવ્યું કે આઠ વર્ષ દરમિયાન આ બીજનો વિકાસ કરવામાં આવ્યો છે. આદર્શ સ્થિતિમાં આની પેદાશ પ્રતિ હેક્ટર 70 ક્વિંટલ સુધી લઈ શકાય છે. આ ઘઉં રતુઆ રોગ અને કરનાલ મલ્ટ રોધી છે. તેમણે કહ્યું કે ભારતીય ઘઉંમાં પ્રોટીન ઓછું હોવાના કારણે આની નિર્યાત નથી થતી જે સમસ્યા હવે સમાપ્ત થઈ જશે.

યાદવે જણાવ્યું કે ઘઉંનો ભરપુર મોલ લેવા માટે આને ઓક્ટોબરના અંત અથવા તો નવેમ્બરના પ્રથમ સપ્તાહમાં વાવવા જરુરી છે. આનો પાક 142 દિવસમાં તૈયાર થઈ જશે. આ પ્રકાર પંજાબ, હરિયાણા, પશ્ચિમી ઉત્તર પ્રદેશ, રાજસ્થાન, ઉત્તરાખંડના તરાઈ ક્ષેત્ર તેમજ જમ્મૂ-કાશ્મીર અને હિમાચલ પ્રદેશના કેટલાક ભાગો માટે ઉપયુક્ત છે. ઝીરો ટ્રિલેજ પદ્ધતિ માટે પણ આ ઘઉં ઉપયોગી છે.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]