સરકારને RBI પાસેથી 10 હજાર કરોડનું ડિવિડન્ડ મળવાની આશા

નવી દિલ્હીઃ સરકારને આ મહીને રીઝર્વ બેંક ઓફ ઈન્ડિયા પાસેથી વચગાળાના ડિવિડન્ડ સ્વરૂપે 1.5 અરબ ડોલર મળવાની આશા છે. પ્રાપ્ત માહિતી અનુસાર આ રકમની ગણતરી છ મહિના માટે કરવામાં આવી છે. આપને જણાવી દઈએ કે આરબીઆઈનું નાણાકીય વર્ષ જૂલાઈથી જૂન માસ સુધીનું હોય છે.

રિઝર્વ બેંકે આ પહેલા વધારે ચૂકવણી માટે સરકારના અનુરોધોનો અસ્વીકાર કરી દીધો હતો આના માટે દલીલ કરવામાં આવી હતી કે ડિવીડંડની ચૂકવણી પાંચ વર્ષના સૌથી નિચલા સ્તર પર હતી. વડાપ્રધાન મોદીનું પ્રશાસન ખર્ચને પહોંચી વળવા માટે વધારે ફંડની માંગણી કરી રહ્યું છે.

નાણાપ્રધાનના પ્રવક્તા ડી.એસ. મલિક પાસેથી આ મામલે કોઈ પ્રતિક્રિયા આપવામાં આવી નથી જ્યારે આરબીઆઈના પ્રવક્તાએ આ મામલે મોકલવામાં આવેલા ઈમેલનો પણ કોઈ જવાબ આપ્યો નથી.

[ અમને ફોલો કરો:    Facebook   | Twitter   | Instagram  | Telegram 

તમારા મોબાઇલમાં 9820649692 આ નંબર Chitralekha નામે સેવ કરી અમને વ્હોટસએપ પર તમારું નામ અને ઈ-મેઈલ લખીને મોકલો અને તમને મનગમતી વાંચન સામગ્રી મેળવો .]