અમદાવાદ– ગ્લોબલ માર્કેટના પોઝિટિવ ન્યૂઝ પાછળ શેરબજારમાં તેજીની આગેકૂચ રહી હતી. એફએમસીજી અને રીયલ્ટી સેકટરના શેરોમાં પ્રોફિટ બુકિંગ આવ્યું હતું, તે સિવાયના તમામ સેકટરના શેરોમાં નવી ખરીદી આવી હતી. પરિણામે નિફટી 10,000ની અતિમહત્વની સપાટી કૂદાવી ટ્રેડિંગ સેશન દરમિયાન 10,000ની ઉપર ટ્રેડ થયો હતો, અને 10,000ની સપાટી ઉપર જ બંધ થયો હતો. ઈન્ડેક્સ બેઈઝ્ડ શેરોમાં નવી લેવાલીથી તેજીનો ટ્રેન્ડ જળવાઈ રહ્યો હતો. ટ્રેડિંગ સેશનને અંતે બીએસઈ સેન્સેક્સ 77.52(0.24 ટકા) વધી 31,924.41 બંધ રહ્યો હતો. તેમજ નિફટી 28.20(0.28 ટકા) વધી 10,016.95 બંધ થયો હતો.
અમેરિકન સ્ટોક માર્કેટ ગત મોડીરાતે સામાન્ય નરમાઈ હતી, પણ આજે સવારે એશિયાઈ સ્ટોક માર્કેટ પોઝિટિવ ટોનમાં ખુલ્યા હતા. તેની પાછળ ભારતીય શેરોના ભાવ અને ઈન્ડેક્સ પણ મજબૂત જ ખુલ્યા હતા. ત્યાર બાદ ટ્રેડિંગ સેશન દરમિયાન લેવાલી-વેચવાલીના બે તરફી કામકાજ હતા. અને શેરોના ભાવ બે તરફી વધઘટમાં અથડાયા હતા.
- આજે તેજી બજારમાં એફએમસીજી સેકટરના શેરોમાં પ્રોફિટ બુકિંગથી નરમાઈ હતી.
- અન્ય તમામ સેકટરમાં છુટીછવાઈ લેવાલી ચાલુ રહી હતી., અને તમામ સેકટરના ઈન્ડેક્સ પ્લસ બંધ હતા.
- રોકડાના શેરોમાં નવી લેવાલીનો દોર ચાલુ રહ્યો હતો. બીએસઈ મીડકેપ ઈન્ડેક્સ 101.55 પ્લસ બંધ થયો હતો.
- સતત આઠ દિવસથી સ્મોલકેપ શેરોમાં નવી લેવાલી ચાલુ રહી છે. આજે બીએસઈ સ્મોલકેપ ઈન્ડેક્સ 159.47 ઉછળી 16,892.50ના રેકોર્ડ લેવલ પર બંધ હતો.
- યુએસ એફડીએએ બાયોકોનના પાર્ટનર માયલનને બાયોસિમિલર માટે સીઆરએલ એટલે કે કમ્પ્લીટ રિસ્પોન્સ લેટર મળી ગયો છે. બાયોકોનના કહેવા મુજબ સીઆરએલમાં બાયોસિમિલર પર કોઈ પ્રશ્ન ઉઠાવ્યો નથી.
- કેન્દ્ર સરકાર ઈનસોલ્વેન્સી અને બેંકરપ્સી કાયદામાં ફેરફાર કરવા માટે નવું નોટિફિકેશન બહાર પાડશે.
- કોમોડિટીમાં પહેલા ઓપ્શન્સ દિવાળી સુધીમાં શરૂ થઈ જશે, એમસીએક્સ દ્વારા સોનાનું ઓપ્શન લોન્ચ કરવાની તૈયારીઓ કરી લીધી છે.
- સાઉથ ઈન્ડિયન બેંકનો નફો 96.1 ટકા ઘટી રૂ.4.3 કરોડ આવ્યો છે. 2017ના વર્ષની બીજા કવાર્ટરમાં સાઉથ ઈન્ડિયન બેંકનો નફો રૂ.110.50 કરોડ આવ્યો હતો.
- જીએનએફસી કંપની કેમિકલ, ફર્ટિલાઈઝર્સ અને આઈટી સેકટરમાં કામ કરે છે. હવે કંપની એફએમસીજી તરફ પ્રયાણ કરી છે.
- રીલાયન્સ ઈન્ફ્રાએ મુંબઈમાં વીજળી માટે અદાણી ટ્રાન્સમિશન ખરીદી શકે છે. તેના માટે બન્ને કંપનીઓને કરાર કર્યા છે.
- ફાર્મા દિગ્ગજ લ્યુપિનની નાડોલોલ ટેબલેટને યુએસએફડીએની આખરી મંજૂરી મળી ગઈ છે. નાડોલોલ કોરગાર્ડ ટેબલેટએ જેનેરિક વર્ઝન છે.
