કોહલીની ૩૧મી સદી, પણ ભારત હાર્યું…

0
1376
ભારતનો કેપ્ટન વિરાટ કોહલી ૨૨ ઓક્ટોબર, રવિવારે મુંબઈના વાનખેડે સ્ટેડિયમ ખાતે ન્યૂ ઝીલેન્ડ સામેની પહેલી વન-ડે ઈન્ટરનેશનલ મેચમાં ભારતના દાવમાં છવાઈ ગયો હતો. ટોસ જીતીને પહેલા બેટિંગ પસંદ કર્યા બાદ કોહલીએ કિવી બોલરોની ધુલાઈ કરી હતી અને ૧૨૧ રન ફટકાર્યા હતા. કોહલીની કારકિર્દીની આ ૨૦૦મી મેચ હતી અને એમાં તેણે ૩૧મી સદી ફટકારી હતી. એણે ૧૧૧ બોલમાં સદી પૂરી કરી હતી. એના ૧૨૧ રનમાં ૯ ચોગ્ગા અને બે છગ્ગાનો સમાવેશ થાય છે. જોકે ભારત આ મેચમાં હારમાંથી બચી શક્યું નહીં અને ન્યૂ ઝીલેન્ડ 6-વિકેટથી મેચ જીતી ગયું. ભારતના 280 રનના જવાબમાં ન્યૂ ઝીલેન્ડે રોસ ટેલરના 95 રન અને વિકેટકીપર ટોમ લેધમના અણનમ 103 રન અને બંને વચ્ચે 200 રનની ભાગીદારીની મદદથી 49 ઓવરમાં 4 વિકેટે 284 રન કરીને મેચ જીતી લીધી હતી. ભારત અને ન્યૂ ઝીલેન્ડની ટીમ કુલ ૩ વન-ડે મેચોની સિરીઝ રમશે. બીજી મેચ ૨૫ ઓક્ટોબરે પુણેમાં રમાશે.
ન્યૂ ઝીલેન્ડનો વિકેટકીપર ટોમ લેધમ 103 રન કરીને નોટઆઉટ રહ્યો
ટોમ લેધમ, રોસ ટેલરની જોડીએ 200 રનની ભાગીદારી કરી
ટોમ લેધમ – સદી પૂરી કર્યા બાદ અભિવાદન ઝીલી રહ્યો છે