આઈપીએલ-૨૦૧૮ ક્રિકેટ સ્પર્ધામાં 25 એપ્રિલ, બુધવારે બેંગલુરુમાં રમાઈ ગયેલી એક વધુ લીગ મેચમાં ચેન્નાઈ સુપર કિંગ્સે રોયલ ચેલેન્જર્સ બેંગલોરને પાંચ-વિકેટથી પરાજય આપ્યો હતો અને પોઈન્ટ્સ ટેબલમાં ફરી ટોચનું સ્થાન પ્રાપ્ત કર્યું. બેંગલોર ટીમે તેની 20 ઓવરમાં એબી ડી વિલિયર્સના 68 અને ડી કોકના 53 રનની મદદથી 8 વિકેટે 205 રન કર્યા હતા. ચેન્નાઈએ તેના જવાબમાં કેપ્ટન મહેન્દ્ર સિંહ ધોનીના અણનમ 70 (34 બોલમાં, 7 સિક્સ) અને અંબાતી રાયડુના 82 રનની મદદથી 19.4 ઓવરમાં પાંચ વિકેટે 207 રન કરી મેચ જીતી લીધી હતી. ધોની મેન ઓફ ધ મેચ ઘોષિત કરાયો હતો.
