ભારત અને સાઉથ આફ્રિકાની મહિલા ક્રિકેટરો વચ્ચે સુરતના લાલભાઈ કોન્ટ્રાક્ટર સ્ટેડિયમમાં ટ્વેન્ટી-20 ઈન્ટરનેશનલ મેચોની સિરીઝ રમાઈ રહી છે. પાંચ-મેચોની સિરીઝની પહેલી મેચ 24 સપ્ટેંબર, મંગળવારે રમાઈ ગઈ. એમાં ભારતે પ્રવાસી ટીમને 11-રનથી પરાજય આપ્યો હતો.
ભારતની જીતની શિલ્પી રહી ઓફ્ફ-સ્પિનર દીપ્તી શર્મા, જેણે 4 ઓવરમાં 8 રનમાં 3 વિકેટ લીધી હતી. એક સમયે એનાં બોલિંગ આંકડા આમ હતાઃ 3-3-8-3. એને 'પ્લેયર ઓફ ધ મેચ' ઘોષિત કરવામાં આવી હતી.
