‘ફિફા અન્ડર-17 ફૂટબોલ વર્લ્ડ કપ’ના આરંભનો દિવસ નજીક આવી રહ્યો છે ત્યારે કોલકાતામાં મેચોની ટિકિટ ખરીદવા માટે ફૂટબોલચાહકોમાં ભારે ઉત્સાહ જામ્યો છે. શહેરના સોલ્ટ લેક સ્ટેડિયમમાં મેચની ટિકિટો માટે લોકોની રોજ લાંબી લાઈન લાગે છે. આ ફૂટબોલ સ્પર્ધા 6 ઓક્ટોબરથી દેશના છ શહેરોમાં શરૂ થવાની છે. સોલ્ટ લેક સ્ટેડિયમમાં સ્પર્ધાની ફાઈનલ મેચ ઉપરાંત ગ્રુપ-Fની મેચો, ત્રીજા સ્થાન માટેની મેચ અને એક ક્વોર્ટર ફાઈનલ મેચ રમાવાની છે.
