લખનઉ બેઠક પરથી પૂનમ સિન્હાએ 18 એપ્રિલ, ગુરુવારે સમાજવાદી પાર્ટીનાં ઉમેદવાર તરીકે નામાંકનપત્ર ભર્યું હતું અને ચૂંટણી રિટર્નિંગ ઓફિસરને તે સુપરત કર્યું હતું. એ વખતે એમની સાથે પાર્ટીનાં સંસદસભ્ય ડિમ્પલ યાદવ, પતિ શત્રુઘ્ન સિન્હા અને બંને પુત્રો – લવ અને કુશ પણ ઉપસ્થિત રહ્યાં હતાં. ઉમેદવારીપત્ર ભર્યા બાદ પૂનમ સિન્હાએ લખનઉ શહેરમાં રોડશો પણ કર્યો હતો. લખનઉ સીટ પર એ મુકાબલો કરી રહ્યાં છે ભાજપના ઉમેદવાર અને કેન્દ્રીય ગૃહપ્રધાન રાજનાથ સિંહનો.
