સિંગાપોરના વહીવટીતંત્રે આ વખતે આ પ્રશંસનીય થીમ્ડ ટ્રેન સાથે દિવાળી તહેવારની આગવી રીતે ઉજવણી કરી છે. ટ્રેનનું ઈન્ટિરીયર રંગબેરંગી રંગોળી અને ડિઝાઈનથી સુશોભિત કરવામાં આવ્યું છે. મેટ્રો રેલવે સ્ટેશનો ઉપરાંત શહેરમાં અનેક બસને પણ સુંદર ડિઝાઈન વડે શણગારવામાં આવી છે. ઉલ્લેખનીય છે કે, મલેશિયાની દક્ષિણે આવેલા ટાપુ-શહેર-રાષ્ટ્ર સિંગાપોરમાં ભારતીયો મોટી સંખ્યામાં વસવાટ કરે છે તથા નોકરી-ધંધો કરવા માટે ભારતમાંથી ગયા છે.
