દીપિકા દાવોસ સંમેલનમાં એવોર્ડથી સમ્માનિત…

બોલીવૂડ અભિનેત્રી દીપિકા પદુકોણને 20 જાન્યુઆરી, રવિવારે સ્વિટ્ઝરલેન્ડના દાવોસ શહેરમાં આયોજિત 'વર્લ્ડ ઈકોનોમિક ફોરમ-2020' વાર્ષિક સંમેલન ખાતે 'ક્રિસ્ટલ એવોર્ડ'થી સમ્માનિત કરવામાં આવી હતી. આ એવોર્ડ શ્વેબ ફાઉન્ડેશન ફોર સોશિયલ આન્ત્રપ્રુનરશિપ સંસ્થા તરફથી એનાં ચેરપર્સન હિલ્ડે શ્વેબ દ્વારા એનાયત કરવામાં આવ્યો હતો. દીપિકાને આ એવોર્ડ માનસિક આરોગ્યના ક્ષેત્રે જનજાગૃતિ ફેલાવવા બદલ આપવામાં આવ્યો છે. દીપિકા પોતે 'લાઈવ લવ લાફ ફાઉન્ડેશન' નામની બિનસરકારી સંસ્થાની સ્થાપક છે, જે ડીપ્રેશનથી પીડિત લોકોને સહાયરૂપ થાય છે.